E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Plani për ekzekutimin e Gledis Nanos/ Gazetari: Krimi dhe politika ndajnë pushtetet

23 Dhjetor 2023, 21:22, Aktualitet CNA

Plani për ekzekutimin e Gledis Nanos/ Gazetari: Krimi dhe politika

Një ditë më parë qarkulloi në media lajmi se një grup kriminal kishte planifikuar eleminimin e ish kreut të Policisë së Shtetit, Gledis Nano.

Gazetari Ferdinand Dervishi gjatë një interviste në Euronews Albania është shprehur se një gjë e tillë është e mundur pasi grupet kriminale në Shqipëri, në bashkëpunim me politikën janë fuqizuar aq shumë sa mund të ndërmarrin dhe veprime të tilla ndaj drejtuesve të lartë shtetërorë.

Në këtë rast përmend dhe rastin e Ervis Martinajt, duke thënë se grupet kriminale bashkëpunuan dhe eleminuan pothuajse çdo njeri pranë tij.

Një gjë e tillë ka thënë gazetari mund të bëhet edhe ndaj zyrtarëve të lartë shtetërorë, pasi jemi në një situatë ku krimi dhe politika kanë ndarë pushtetet.

“Mund të ndodhë në Shqipëri që krimi të kërcënojë një ish-drejtor të Përgjithshëm të policisë së Shtetit? Për mendimin tim po.Pse? Jemi përballë një situate kriminale pak të lexueshme. Nuk është më ajo klasikja, ka ndryshuar situata kriminale në Shqipëri.

Ka ndryshuar për shkakun se krimi është ftuar nga politika në fitimin e zgjedhjeve dhe ndarjen e pushtetit. Tani është krijuar një situatë kriminale ku nuk dihet ku përfundon lidhja e krimit me politikën. Po të sjell shembullin e zhdukjes së Vis Martinaj, të cilin e kemi analizuar dhe këtu.

U bë një bashkëpunim i grupeve kriminale dhe prodhuan një operacion spektakolar që çoi në eliminimin e Vis Martinaj dhe të gjithë personave që ai mbante afër tij, qoftë kushërinj apo shokë të tij.

Ky operacion kaq i fuqishëm mund të shkoj në nivelin e një ish-drejtori, apo qoftë drejtori aKtual, kreut të SHISH apo qoftë dhe të kryeministrit një lloj organizmi i tillë. Kemi një lidhje mes krimit dhe politikës në mënyrën më të organizuar të mundshme pasi kanë ndarë pushtetet bashkë”, tha Dervishi./ CNA