web counter
LEXO PA REKLAMA!

SHKARKO APP

App Store
Google Play

E fundit!

x

“PD, më e bashkuar se kurrë”/ Deputetja: Protesta nuk lidhen me emrin e Berishës

23 Dhjetor 2023, 19:26, Aktualitet CNA
“PD, më e bashkuar se kurrë”/ Deputetja: Protesta nuk
Deputetja e Partisë Demokratike, Ina Zhupa

Deputetja e Partisë Demokratike, Ina Zhupa ka komentuar rrugëtimin e PD-së gjatë vitit 2023, ku ka theksuar se e ka nisur vitin e përçarë ndërsa tani është më e bashkuar se kurrë.

"PD e nisi vitin më të përçarë dhe është më e bashkuar. Po e përfundoi viti duke demaskuar këtë pseudo parlamentarizëm. Sot ka më shumë bashkim të demokratëve dhe demaskim të qeverisë”, u shpreh deputetja demokrate.

Gjatë një interviste për mediat Zhupa ka folur dhe për protesta, duke nënvizuar se nuk lidhen me emrin e ish kryeministrit Sali Berisha por janë zhvilluar për mbrojtjen e ligjit dhe Kushtetutës.

"Mosbindja civile dhe protestat tona nuk lidhet me emrin e zotit Berisha. Protesta e fundit ka qenë në mbrojtje të Kushtetutës. Kjo nuk ndodhi se Berisha do të jetë mbi ligjin, por nuk do që të jetë nën ligjin. Militantët janë të motivuar më shumë dhe këtë e kuptojmë tek strukturat. Protestat janë një nga elementët që militanti vjen dhe shpreh mbështetjen e tij”, tha më tej Zhupa.

Gjithashtu foli për çështjen e vulës duke thënë se nuk ka asnjë pritshmëri për shkak të zvarritjes që i është si çështje.

 “Kjo çështje duhet të ishte mbyllur me kohë. Nuk e di, në literaturën e shkencave politike, sa e njoh unë, nuk ka një rast të tillë. Koncepti bazë i një partie politike është bashkimi vullnetar. Në asnjë moment nuk thuhet që partia është vula dhe logoja. Kjo zvarritje prej 2 vitesh, nuk më çon në pritshmëri, por në vazhdimësi të zvarritjes”, tha Ina Zhupa./ CNA





Lajmet e fundit nga