AMP jep njoftimin/ Arrestohen 2 doganierë të Kakavijës, 4 zyrtarë të tjerë në kërkim

24 Dhjetor 2023, 13:01, Aktualitet CNA

AMP jep njoftimin/ Arrestohen 2 doganierë të Kakavijës, 4

Dogana Kakavijë

Strukturat e Agjencisë së Mbikëqyrjes Policore ka dalë me një njoftim zyrtar në lidhje me arrestimet e zyrtarëve në pikën doganore të Kapshticës.

Mësohet se në prangat e policisë kanë rënë 2 doganierë me iniciale A.A dhe E.SH. Ndërkohë janë shpallur në kërkim 4 zyrtarët të tjerë: A.M., me detyrë Doganier i parkimit, si dhe e 3 punonjësve të Antikontrabandës, F.R., N.S. dhe G.SH.

Personat e arrestuar dhe ato të shpallur në kërkim akuzohen se kalonin mallëra pa kryer kontrolle.

Në prangat e policisë kanë rënë edhe 6 drejtues të automjeteve dhe posedues të mallrave të importuara si dhe një tjetër u procedua në gjendje të lirë.

Në cilësinë e provës materiale janë sekuestruar disa dhjetra ton mallra të padeklaruara, aparate telefonikë celular, vlera monetare, etj.

Njoftimi i plotë:

Strukturat e Agjencisë së Mbikëqyrjes Policore, mbi bazën e informacioneve të administruara në rrugë operative, përgjatë aksit rrugor Kakavijë - Fier kanë ndaluar 4 kamiona të tonazhit të rëndë, një trajler me rimorkio dhe një furgon të ngarkuar me mallra të ndryshëm, të papajisur me dokumentacionin përkatës për mallrat e importuara, me qëllim verifikimin e dokumenteve, me të cilin ishin pajisur nga punonjësit e Degës Doganore Kakavijë.

Pas verifikimit të kryer, Policia Gjyqësore e AMP, në bashkëpunim me Sektorin kundër Krimit Ekonomik e Financiar në DVP Gjirokastër, në zbatim të urdhërit të Prokurorisë, kanë arrestuar në flagrancë si të dyshuar për kryerjen e veprës penale "Kontrabanda nga punonjës që lidhen me veprimtarinë doganore";

- A.A., Doganier, me detyrë përgjegjës turni në Degën Doganore Kakavijë;

- ?E.SH., Doganier fizik në Degën Doganore Kakavijë;

- ?U bë shpallja në kërkim e shtetasit A.M., me detyrë Doganier i parkimit, si dhe e 3 punonjësve të Antikontrabandës, me shërbim në afërsi të Pikës së Kalimit Kufitar Kakavijë, shtetasit F.R., N.S. dhe G.SH.

Gjithashtu, u arrestuan në flagrancë, si të dyshuar për kryerjen e veprës penale "Kontrabandë me mallra të tjera", i shtetasve (drejtues të automjeteve dhe posedues të mallrave të importuara);

1.V.D., 40 vjeç;
2. ?TH.M., 48 vjeç;
3.R.I., 41 vjeç;
4.A.XH., 45 vjeç;
5.?A.M., 50 vjeç;
6.?F.O., 39 vjeç;
7.U procedua në gjendje të lirë shtetasi P.Q.

Në cilësinë e provës materiale janë sekuestruar disa dhjetra ton mallra të padeklaruara, aparate telefonikë celular, vlera monetare, etj.

Vijon kryerja e veprimeve hetimore procedurale, për inventarizimin e mallrave të sekuestruar, këqyrjen e aparateve telefonikë celular, pamjet filmike të regjistruara nga kamerat e instaluara në këtë pikë doganore, me qëllim identifikimin e personave të tjerë të përfshirë në këtë veprimtari, duke u fokusuar tek punonjësit e Policisë Kufitare dhe përcaktimin e rolit të secilit prej tyre.

Materialet i kaluan për ndjekje të mëtejshme Prokurorisë Pranë Gjykatës së Shkallës së Parë të Juridiksionit të Përgjithshëm Gjirokastër për veprën penale “Kontrabanda nga punonjës që lidhen me veprimtarinë doganore” dhe “Të kontrabandës me mallra të tjera”.