web counter
LEXO PA REKLAMA!

SHKARKO APP

E fundit!

x

Thirrje qytetarëve të Tiranës: Denonconi me prova Bashkinë Tiranë! Drejtojuni me ankesa KLSh-së që po kontrollon abuzimet

14 Gusht 2024, 11:23, Aktualitet CNA
Thirrje qytetarëve të Tiranës: Denonconi me prova Bashkinë
Erion Veliaj dhe godina e Bashkisë Tiranë, foto ilustruese

Të nderuar qytetarë të Bashkisë Tiranës!

Kontrolli i Lartë i Shtetit prej 4 muajsh ndodhet në zyrat e Bashkisë Tiranë.

Raporti përfundimtar i kontrollit nuk ka përfunduar ende megjithëse kalendari paraprak, parashikonte datën 1 Gusht si afat për përfundimin e kontrollit.

Në emër të Erion Veliajt dhe bandës së Bashkisë Tiranë, një grup deputetësh të Kuvendit me në krye Fatmir Xhafajn, prej 4 muajsh po shantazhojnë drejtuesit më të Lartë të KLSh-së dhe gjithë stafin e KLSh-së, duke njoftuar shkrirjen e institucionit.

Ky shantazh i organizuar nga zyrat e Kuvendit kundër një institucioni kushtetues, është prova më e qartë e panikut që ka kapur Erion Veliajn nga plani i Kontrollit të dorëzuar nga KLSh-ja, në Bashkinë Tiranë.

Jepini mbështetje dhe besim KLSh-së!

Denonconi!

Dorëzoni pranë institucionit të kontrollit ankesa të arsyetuara, me emra dhe fakte, duke shpjeguar shkeljet e pësuara në këto vite nga zyrtarët e Bashkisë Tiranë.

Denonconi!

Vetëm presioni juaj mund të ndalë shantazhuesit profesionistë që po abuzojnë me postin e marrë me votat tuaja dhe po i bëhen mbrojtje bandës së Bashkisë Tiranë.

Nëse jo sot, kur!

Nëse jo ju, kush?/ CNA

 





Lajmet e fundit nga