web counter
LEXO PA REKLAMA!

SHKARKO APP

App Store
Google Play

“Territorialja”/ Berisha: Ja si do të hartohet projekti i PD-së për reformën

7 Shkurt 2026, 13:40, Aktualitet CNA

“Territorialja”/ Berisha: Ja si do të hartohet projekti i

Kryetari i PD-së, Sali Berisha, ka folur në komunikimin e sotëm me qytetarët edhe lidhur me Reformën Territoriale. Berisha tha se kryeministri Edi Rama nuk do të pranojë asnjë ndryshim tjetër përveç atyre që propozon vetë.

Sipas tij, propozimi i Ramës për Reformën Territoriale synon shpopullimin e mëtejshëm të vendit. Ndër të tjera shtoi se PD do të përgatisë një projekt të konsultuar me qytetarë dhe ekspertë.

“Së pari, ne jemi të bindur dhe duhet t’ua them të gjithë shqiptarëve se Edi Rama nuk pranon asnjë ndryshim tjetër përveç atyre që propozon vetë, e cila reformë synon depopullimin e mëtejshëm të Shqipërisë. Ju duhet ta dini se ai tani parashikon nga 62 bashki të kalojë në 36 bashki. Kjo është praktika e nxitjes së largimit masiv të shqiptarëve nga periferitë. 

Çfarë do të bëjmë ne? Meqenëse ky është një problem shumë themelor me vendin, ne do të bashkëpunojmë ngushtë me ekspertët më të mirë shqiptarë. Ekipi ynë do të bëjë takime në të gjitha qarqet për të marrë mendimet e qytetarëve. Do të hartojmë projektin tonë. Nuk mund të them se sa do jetë, por ju rikujtoj se Sllovakia me një popullsi pak më të madhe se ne, ka 210 komuna dhe bashki.

Sllovakia, dy herë më e zhvilluar, ka 210 komuna dhe bashki. E cila ka një mal gjithsej, ndërsa Shqipëria ka male numerikisht sa gjithë Europa si numër. Pra, ne do të bëjmë një projekt në përputhje me interesat e plota të qytetarëve dhe të zhvillimit të komuniteteve. Këtë projekt do ta diskutojmë me ju, me qytetarët. Këtë projekt do ta paraqesim në komisionin e reformës territoriale. Këtë projekt do ta diskutojmë me Kongresin e Autoriteteve Lokale dhe Rajonale të Këshillit të Europës që është institucioni numër një me ekspertizën më të madhe për reformën territoriale”, tha Berisha. /CNA





Lajmet e fundit nga