web counter
LEXO PA REKLAMA!

SHKARKO APP

App Store
Google Play

Takimi në PD për 8 Marsin/ Vokshi: Çdo ditë e vitit duhet të jetë e dedikuar për gratë dhe vajzat

8 Mars 2026, 11:19, Aktualitet CNA

Kryetarja e Lidhjes Demokratike të Gruas, Albana Vokshi ka mbajtur fjalën e saj në takimin e zhvilluar nga PD me gratë dhe vajzat për rastin e 8 marsit, Ditës Ndërkombëtare të Gruas.

Vokshi u shpreh se jo vetëm 8 marsi , por çdo ditë e vitit duhet të jetë e dedikuar për gratë dhe vajzat.

“Të gjitha gratë kudo që ndodhen, duhet të refuzojnë që dita e tyre të jetë vetëm 8 marsi. Çdo ditë e vitit duhet të jetë e dedikuar për gratë dhe vajzat.

Ne do të vazhdojmë të kërkojmë një përfaqësi më të lartë të grave dhe vajzave fantastike. Do donim nga ju mbështetjen që një përfaqësi më e madhe e grave të jetë jo vetëm në lidershipin e PD-së por edhe në zgjedhjet e ardhshme. Historia na ka dëshmuar se sa herë që gratë kanë rezistuar dhe udhëhequr, ato kanë ndryshuar vetë historinë”, u shpreh ajo.  

Ndër të tjera, Vokshi ka akuzuar kryeministrin Edi Rama se ka ngritur një sistëm që zvogëlon zërin e grave dhe vajzave dhe nuk i mbron ato.

“Edi Rama ngriti një sistem që përpiqet të zvogëlojë zërin e grave dhe ta bëjë fuqinë e tyre të padukshme. Ka ngritur një sistem që nuk i mbron gratë dhe vajzat, por i dhunon.

Mbi 50 mijë gra kanë ikur nga Shqipëria ilegalisht në vendet e Bashkimit Europian. Kjo sepse Edi Rama po bën ferr për familjen e tyre.

Shumë prej grave përballen me mbyllje të dyerve të administratës, me pamundësi punësimi. Edi Rama ka vendosur gratë e Rilindjes si fasadë me ngjyra dhe numra. Gratë më zë dhe integritet i ka larguar”, tha deputetja e PD-së. /CNA





Lajmet e fundit nga