web counter
LEXO PA REKLAMA!

SHKARKO APP

App Store
Google Play

E fundit!

x

"Do të vijojmë të godasim me forcën e ligjit krimin e organizuar"/ Mesazhi i fuqishëm i kreut të SPAK, Klodjan Brahos

7 Mars 2026, 18:32, Aktualitet CNA

"Do të vijojmë të godasim me forcën e ligjit krimin e

Kreu i Prokurorisë së Posaçme, Klodjan Braho ka ndarë një mesazh të fuqishëm lidhur me goditjen e krimit të organizuar. Ai thekson se SPAK do të vijojë të godasë me forcën e ligjit krimin e organizuar.

Në mesazhin e tij, Braho shton se nuk do të kursehet asnjë funksionar publik që bashkëpunon apo lehtëson veprimtarinë e krimit të organizuar.

“Ne do të vijojmë të godasim me forcën e ligjit krimin e organizuar, si dhe çdo funksionar publiK që bashkëpunon apo lehtëson veprimtarinë e krimit të organizuar”, thuhet në mesazhin e kreut të SPAK, Klodjan Braho.

Reagimi i kreut të SPAK, Brahos vjen pas operacionit në Vlorë, ku u godit grupi kriminal i Inez Hajrullës, në kuadër të të cilit u lëshuan 8 masa sigurie. Në kuadër të këtij operacioni u vu në pranga edhe një oficer policie, i cili përdorte funksionin e tij për të ndihmuar aktivitetin kriminal.

SPAK zbardhi edhe dy atentate, pas të cilit qëndronte Hajrulla dhe krahu i tij i djathtë, Ervis Matodoshaj, të dy në kërkim. Ata akuzohen për vrasjen e Gentian Qarrit dhe sigurimin e kushteve për vrasjen e Bledar Birçajt. 

Në njoftimin e SPAK thuhej se grupi i strukturuar kriminal, me bazë në qytetin e Vlorës, e kishte shtrirë aktivitetin e tij në disa vende të Bashkimit Europian. Nga hetimet e bazuara në komunikimet në SKY ECC është zbuluar se ky grup është përfshirë në krime kundër personit, trafik ndërkombëtar të lëndëve narkotike dhe pastrim të produkteve të veprës penale. /CNA





Lajmet e fundit nga