web counter
LEXO PA REKLAMA!

SHKARKO APP

App Store
Google Play

E fundit!

x

Vengu dorëzon stafetën/ Ermal Nufi merr detyrën si ministër i Mbrojtjes

7 Mars 2026, 10:52, Aktualitet CNA

U zhvillua këtë të shtunë ceremonia e dorëzimit të detyrës në Ministrinë e Mbrojtjes, ku Ermal Nufi mori zyrtarisht drejtimin e institucionit, duke pasuar në këtë detyrë Pirro Vengun.

Gjatë ceremonisë së mbajtur në Garnizonin “Skënderbej”, Vengu theksoi se do të mbajë gjithmonë me vete frymën e kësaj ministrie, ndërsa shprehu kënaqësinë që detyrën po ia dorëzon një miku dhe bashkatdhetari të mirë.

Në fjalën e tij të parë si ministër, Nufi u shpreh se e merr këtë detyrë me ndjenjë të thellë nderi dhe me vetëdije të plotë për përgjegjësinë që mbart institucioni për sigurinë e vendit.

“Sot e marr këtë detyrë me një ndjenjë të thellë nderi, por mbi të gjitha me një dijeni të plotë për përgjegjësinë që mbart ky institucion për sigurinë e vendit. Në këtë institucion ndërtohen themelet e shtetit, siguria e kombit dhe garancia e sovranitetit të Shqipërisë”, tha ai.

Nufi theksoi gjithashtu simbolikën e zhvillimit të ceremonisë në Garnizonin “Skënderbej”, të cilin e cilësoi si një vend me rëndësi historike për formimin e brezave të ushtarakëve shqiptarë dhe si simbol të traditës, disiplinës dhe patriotizmit të ushtrisë.

Ministri i ri shprehu mirënjohje për kryeministrin Edi Rama për besimin e dhënë, si edhe falënderoi ish-ministrin Pirro Vengu për kontributin e tij në Forcat e Armatosura.

Ai vlerësoi punën e Vengut duke theksuar se gjatë drejtimit të tij në Ministrinë e Mbrojtjes është vendosur një qasje europiane në zhvillimin e Forcave të Armatosura.

Në përfundim, Nufi theksoi se patriotizmi mbetet detyra e parë, duke përmendur edhe faktin se Vengu do të vijojë angazhimin e tij politik si deputet në qarkun e Vlorës./ CNA 





Lajmet e fundit nga