E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

"Jam kalitur me gjyqe publike"/ Balluku: Nuk do të përmend kurrë prokurorë e gjyqtarë

6 Mars 2026, 14:52, Aktualitet CNA

"Jam kalitur me gjyqe publike"/ Balluku: Nuk do të përmend

Belinda Balluku në dorëzimin e detyrës pasuesit të saj, Enea Karakaçi, si ministër i Infrastrukturës dhe Energjisë, ka folur edhe për procesin hetimor ndaj saj.

Balluku tha se ka qenë një vendim i saj personal për të heshtur për këtë çështje pasi beson se çdo çështje juridike zgjidhet sipas asaj që parashikon Kushtetuta.

Ajo u shpreh se beson te drejtësia e re dhe nuk do të thotë kurrë diçka kundër kësaj reforme edhe kur preket personalisht.

Balluku deklaroi se nuk do të përmendë kurrë prokurorë apo gjyqtarë pasi secili duhet të jetë i lirë të vendosë pa qenë i ndikuar.

Ish-zëvendëskryeministrja, referuar lajmeve që kanë qarkulluar, tha se nuk ka as 300, as 3 apartamente dhe të gjitha këto janë pjesë e një gjyqi publik. Gjyqe për të cilat, Balluku tha se është kalitur që e vogël.

E përlotur, Balluku deklaroi se do ta vazhdojë këtë rrugëtim personal dhe politik e vetme për të nxjerrë në dritë të vërtetën.

“Kam marrë vendim personal që të hesht për një çështje juridike pasi unë besoj se çdo çështje juridike nuk zjgidhet në banaqet mediatike, por duhet të ketë rrjedhën e saj siç e parashikon Kushtetuta. Kam vendosur të mos shaj e anatemoj, por të jem konsistente në qëndrimin tim, sa i përket drejtësisë. Nëse do t'u ktheheni deklaratave të mia për drejtësinë s’do të gjeni asnjë që kundërshton tjetrën. Unë besoj se drejtësia e re si produkt i reformës në drejtësi, duhet të vazhdojë të jetë frymëzim i këtij vendi pasi ajo reformë u krye për të kthyer besimin te drejtësia. Unë besoj te kjo drejtësi dhe s'do të më dëgjoni kurrë të lëvdoj kur godet kundërshtarët dhe ta anatemoj kur godet interesat e mia personale. Nuk do të më dëgjoni kurrë të përmend prokurorë apo gjyqtarë. Secili duhet të jetë i lirë të vendosë pa qenë i ndikuar nga gjyqet publike. Nuk kam pasur kurrë lidhje me korrupsionin. Nuk kam as 300, as 30 dhe as 3 apartamente. Nuk kam as jahte, as limuzina. Të gjitha këto janë pjesë e një gjyqi publik, i cili bëhet me lehtësinë më të madhe në këtë vend. Ndoshta kurrizi ma mban më mirë se kushdo tjetër gjyqin publik, pasi jam kalitur dhe trajnuar që e vogël.

Më vjen keq që situata ime personale ka krijuar vonesa në funksionimin e ministrisë. Më vjen keq për ditët dhe muajt e humbur në procese të rëndësishme që duhen çuar menjëherë përpara.

Ju do ta kapërceni të gjithë këtë situatë duke më lënë mua të vazhdoj rrugëtimin tim politik dhe personal për të nxjerrë një të vërtetë në dritë”, tha Balluku./CNA