web counter
LEXO PA REKLAMA!

SHKARKO APP

App Store
Google Play

Pasuritë e krimit “në lupë”/ Komisioni Europian: Punë e mirë e SPAK-ut për sekuestrimin dhe konfiskimin

5 Mars 2026, 15:46, Aktualitet CNA

Pasuritë e krimit “në lupë”/ Komisioni Europian:

Në takimin e 17-të të Nënkomitetit BE-Shqipëri “Drejtësia, Liria dhe Siguria”, ekspertët e Komisionit Europian i kushtuan një vëmendje të veçantë procesit të sekuestrimit, konfiskimit dhe administrimit të pasurive që rrjedhin nga aktiviteti i krimit të organizuar në Shqipëri.

Gjatë diskutimeve, ekspertët e KE-së kërkuan raportim të detajuar statistikor mbi pasuritë e sekuestruara dhe të konfiskuara nga Struktura e Posaçme kundër Korrupsionit dhe Krimit të Organizuar (SPAK) si dhe mbi procesin e administrimit të tyre nga Agjencia e Administrimit të Pasurive të Sekuestruara dhe të Konfiskuara (AAPSK).

Në këtë kuadër, u theksua se Brukseli do të ndjekë nga afër dhe në mënyrë të drejtpërdrejtë monitorimin e këtij procesi, duke e konsideruar atë një element kyç në kuadër të reformave të sundimit të ligjit.

Ekspertët nënvizuan se rritja e numrit të pasurive të sekuestruara dhe të konfiskuara nga aktiviteti kriminal, administrimi efektiv i tyre dhe destinimi në favor të shtetit përbëjnë indikatorët kryesorë që do të përdoren për të matur nivelin e përmbushjes së Piketave të Ndërmjetme dhe rekomandimeve të Progres-Raportit për Kapitullin 24 – “Drejtësia, Liria dhe Siguria”.

Po ashtu, ekspertët e Komisionit Europian vlerësuan përdorimin e fondeve të gjeneruara nga administrimi i pasurive të sekuestruara dhe të konfiskuara në mbështetje të institucioneve ligjzbatuese. Në veçanti u theksua mbështetja financiare për Prokurorinë e Posaçme (SPAK), e cila edhe gjatë vitit 2025 është rritur, duke kontribuar në forcimin e kapaciteteve për luftën kundër korrupsionit dhe krimit të organizuar./CNA





Lajmet e fundit nga