web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi mblidhet sot në seancë plenare, ja pikat e rendit të ditës

5 Mars 2026, 08:13, Aktualitet CNA

Kuvendi mblidhet sot në seancë plenare, ja pikat e rendit të

Kuvendi i Shqipërisë do të mblidhet sot, më 5 mars 2026, në orën 10:00, në seancë plenare, sipas urdhrit nr. 16, datë 3 mars 2026, të nxjerrë në mbështetje të Rregullores së Kuvendit dhe kalendarit të punimeve për periudhën 2–20 mars.

Seanca pritet të nisë me miratimin e procesverbalit të mbledhjes plenare të datës 2 mars 2026, si dhe me njoftime të ndryshme parlamentare.

Në vijim të rendit të ditës janë parashikuar dy seanca pyetje–përgjigje. Deputeti Erion Braçe do të zhvillojë një seancë pyetje–përgjigje me ministren e Arsimit, Mirela Kumbaro, si dhe një tjetër me ministrin e Bujqësisë dhe Zhvillimit Rural, Andis Salla.

Gjatë seancës do të shqyrtohen gjithashtu disa projektligje. Ndër to është projektligji për një shtesë në ligjin “Për sistemin arsimor parauniversitar në Republikën e Shqipërisë”, i ndryshuar.

Deputetët do të diskutojnë edhe projektligjin për ratifikimin e marrëveshjes së huas ndërmjet Republikës së Shqipërisë, përfaqësuar nga Ministria e Financave, dhe KfW Frankfurt am Main, për programin “Infrastruktura bashkiake V – faza II”.

Në rend dite është edhe projektligji “Për Agjencinë e Mbikëqyrjes në Sistemin e Ekzekutimit të Vendimeve Penale”, si dhe projektligji për disa ndryshime dhe shtesa në ligjin “Për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë”.

Po ashtu, Kuvendi do të shqyrtojë një ndryshim në ligjin “Për taksat kombëtare” dhe një ndryshim në ligjin “Për financat e vetëqeverisjes vendore”.

Në seancë do të paraqitet edhe një projektvendim për një shtesë në vendimin nr. 65/2025, lidhur me caktimin e anëtarëve zëvendësues në përbërjen e komisioneve të përhershme të Kuvendit.

Seanca pritet të përmbyllet me diskutime për çështje jashtë rendit të ditës./ CNA





Lajmet e fundit nga