web counter
LEXO PA REKLAMA!

SHKARKO APP

App Store
Google Play

E fundit!

x

Më 12 mars protesta e radhës/ Berisha: T’i përgjigjemi Ramës në mënyrën më të fuqishme

4 Mars 2026, 13:49, Aktualitet CNA

Më 12 mars protesta e radhës/ Berisha: T’i përgjigjemi

Kryetari i Partisë Demokratike, Sali Berisha, ka njoftuar se protesta kombëtare e radhës e opozitës do të mbahet më 12 mars.

Gjatë fjalës së tij para nisjes së mbledhjes së Grupit Parlamentar të PD-së, Berisha tha se kryeministri Edi Rama e ka shndërruar Shqipërinë në një vend tepër të rrezikshëm. Ai bëri thirrje për pjesëmarrje masive në protestë.

“U bëj thirrje ndërgjegjes së qytetarëve, kjo është betejë për ndërgjegjen e njeriut. Nuk ka ndodhur kurrë. Asnjë pushtues nuk i ka lejuar vetes të bëjë një ligj të tillë, të shkelë çdo normë. Dhe tani nxori mburojën e Beogradit përpara. Tani thotë se nuk na duhet Brukseli, por na duhet Beogradi. Tani rikthehet në skenarë haptas antishqiptarë. Nuk ka komb në botë që do të duronte një njeri si ky, kurrë! Akti i fundit me Sllobodanin e ri, Aleksandër Vuçiçin, është një thirrje për atdhetarinë e çdo shqiptari kudo që ndodhet.

Ky e ka shndërruar Shqipërinë në një vend tepër të rrezikshëm për të ardhmen e kombit duke përdorur pushtetin e tij. Ndaj dhe duhet t’i përgjigjemi në mënyrën më të fuqishme dhe unë kam besim se do t'i përgjigjemi.

Data 12 është kryengritja e radhës. Ftoj qytetarët shqiptarë në të katër anët e Shqipërisë të bashkohemi kundër kreut të kësaj organizate kriminale për t’i dhënë përgjigjen e merituar për vjedhjet e tij dhe për tradhtinë e lartë kombëtare që u bën idealeve europiane të popullit shqiptar, ëndrrës europiane të shqiptarëve për të zënë vendin e tyre të merituar në BE”, tha Berisha. /CNA





Lajmet e fundit nga