web counter
LEXO PA REKLAMA!

SHKARKO APP

App Store
Google Play

E fundit!

x

Ndarja në burim e mbetjeve dhe riciklimi, qeveria vendos afate për njësitë vendore

4 Mars 2026, 22:55, Aktualitet CNA

Ndarja në burim e mbetjeve dhe riciklimi, qeveria vendos afate për

Një projektvendim i nxjerrë për konsultim nga Ministria e Mjedisit, “Për miratimin e kritereve, procedurave dhe afateve për zbatimin e grumbullimit të diferencuar të mbetjeve për të gjithë rrymat e mbetjeve”, vendos afate dhe kushte që duhet të plotësohen nga njësitë vendore.

Konkretisht objekt i projektvendimit është sigurimi i grumbullimit të diferencuar të mbetjeve në burim, promovimi i ripërdorimit, riciklimit, parandalimi i përzierjes së mbetjeve, si dhe mbrojtjen e mjedisit dhe shëndetit të njeriut.

Relacioni që shoqëron projektvendimin nënvizon se përmes tij përcaktohen kriteret, procedurat dhe afateve për zbatimin e grumbullimit të diferencuar të mbetjeve, në përputhje me parimet e ekonomisë qarkulluese mbrojtjes ruajtjes dhe përmirësimit të cilësisë së mjedisit dhe të mbrojtjes së shëndetit të njeriut, me qëllim reduktimin e sasisë së mbetjeve që depozitohen, rritjen e nivelit të riciklimit dhe rikuperimit, si dhe parandalimin e ndikimeve negative në mjedis.

Projektvendimi përcakton kriteret për grumbullimi e mbetjeve, mënyra sesi bëhet ndarja e tyre nga ai që i krijon mbetjet por edhe grumbullimi i diferencuar që zbatohet nga zotëruesit.

Në kreun katër janë parashikuar afatet dhe masat për grumbullimin e diferencuar të mbetjeve për arritjen e objektivave nga njësitë e vetëqeverisjes vendore, të paktën për grumbullimin e diferencuar të plastikës, drurit, metaleve me ngjyra, aluminit, qelqit, letrës dhe kartonit, të cilat lidhet kryesisht me rrymat e zakonshme të mbetjeve bashkiake, që janë në përgjithësi jo të rrezikshme dhe të përshtatshme për riciklim përmes proceseve mekanike standarde.

“Afatet minimale për përgatitjen për ripërdorim dhe riciklimin për këto rryma përcaktohen si më poshtë: të paktën 25% deri në vitin 2030, 50% deri në vitin 2033, 55% deri në vitin 2035, 60% deri në vitin 2040 dhe 65% deri në vitin 2045, duke bërë të mundur reduktimin e së sasinë së mbetjeve që përfundojnë në landfill dhe duke kontribuar drejtpërdrejt në realizimin e objektivave të ekonomisë qarkulluese, sipas kuadrit të përcaktuar nga Direktiva 2008/98/BE.

Pajisjet elektrike dhe elektronike si edhe mbetjet e baterive përbëjnë rryma mbetjesh me regjim të veçantë juridik, për shkak të përmbajtjes së substancave potencialisht të rrezikshme dhe kompleksitetit të përbërjes së tyre dhe kompleksitetit të përbërjes së tyre dhe miratimi i tyre bëhet me vendim të posaçëm të Këshillit të Ministrave.

Këto kategori kërkojnë trajtim të specializuar, sisteme të posaçme grumbullimi dhe përpunimi, si dhe zbatimin e parimit të përgjegjësisë së zgjeruar të prodhuesit, në përputhje me Direktivën 2012/19/BE dhe Direktivën 2006/66/KE”, thuhet në relacion./Monitor.al





Lajmet e fundit nga