web counter
LEXO PA REKLAMA!

SHKARKO APP

App Store
Google Play

Elisa Spiropali e pranon: Edi Rama më largoi pasi e paralajmëroi Sali Berisha

5 Mars 2026, 10:41, Aktualitet CNA

Sot në seancën parlamentare, Elisa Spiropali, e zhveshur nga kostumi i ministres dhe të gjitha kostumet drejtuese në PS dhe Parlament, tashmë nën kostumin e një deputeteje të thjeshtë, e ka pranuar se kryeministri Edi Rama e largoi nga detyra pas paralajmërimit të kreut të PD-së, Sali Berisha.

“Ajo detyrë është nder i madh, çdo detyrë në këtë Kuvend është nder i madh. Më vjen keq që largimin tim e paralajmëroi Berisha në këtë sallë Kuvendi”, tha Spiropali.  

Pas saj, kreu i PD-së, Sali Berisha, u shpreh se Spiropali mori atë që meritonte.

“Eliza je viktima më e parëndësishme e lubisë dhe më e merituara në një kohë kur sytë e shqiptarëve drejtoheshin drejt asaj që ti na vije si nuse e veshur me të bardha me të gjitha aksesorët, kujtoje se do e hante lubia. S'e ke nga Sali Berisha e ke nga vetja jote. U gëzove se se do ishe ti zëvendëskryeministre dhe jo kloni i lubisë.

Për Sali Berishën Edi Rama të lartësonte si klonin e lubisë. E ke nga vetja jote. Këta të dhanë atë që meritove”, tha Berisha.

Spiropali më tej theksoi se: 

"Replika ishte për Këlliçin, jo për Sali Berishën. Të gjithë e kanë nga vetja Sali, asnjë s'e ka nga të tjerët. Ta bëjmë analizën e të shohim se ku jemi e ku ishim. Nëse ti u bën analizën e vetes të tjerëve, vetja është ajo që na sjell ku jemi. Vetëm për veten mbajmë përgjegjësi. Për të tjerat mbajnë përgjegjësi ata që i bëjnë"./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga