web counter
LEXO PA REKLAMA!

SHKARKO APP

App Store
Google Play

E fundit!

x

Takimi në Athinë/ Manjani: Show, shqiptarët kanë ikur për të mos dëgjuar më Ramën

14 Maj 2024, 22:32, Aktualitet CNA
Takimi në Athinë/ Manjani: Show, shqiptarët kanë ikur
Ylli Manjani

Ish-minsitri Ylli Manjani ka komentuar takimin e kryeministrit Edi Rama në Athinë. Ai e ka cilësuar si show, duke shtuar se Rama nuk u prit dhe nuk u nderua si kryeministër.

I ftuar në emisionin “A Show”, Manjani tha se shqiptarët kanë ikur për të mos dëgjuar Ramën dhe për të mos u bërë dëshmitarë i këtyre që të ulen në gjunjë.

Manjani deklaroi se Ramën e morën si një mi në kafaz, nga aeroporti, që të mos përballej me turmën dhe bëri atë teatër.

“I gjithë shou i Athinës, është një shfaqje pa kuptim, pa sens. Cili ishte qëllimi, çfarë donte të thoshte ky, që unë jam kryeministri i shqiptarëve në Greqi. E çfarë pastaj? Shqiptarët në Greqi nuk kanë asnjë ndikim në jetën politike greke. Nëse duam t’i tregojmë Greqisë forcën, nuk ja tregojmë dot, sepse çoi shqiptarë nga Shqipëria për të mbushur sallën atje.

 Sepse shqiptarët në Greqi, prandaj kanë ikur për të mos dëgjuar Edi Ramën. Kanë ikur për të mos u bërë dëshmitarë i këtyre lloj turpeve që të ulen në gjunjë. E para. E dyta, çfarë duam t’i tregojmë Greqisë ne, që ky politikan është i zoti, çfarë bën ky. As nuk e pritën, as nuk e nderuan si kryeministër. E morën si një mi në kafaz, nga aeroporti, është futur edhe nga mbrapa sallës që të mos përballej me turmën dhe bëri atë teatrin që bëri dhe e nxorrën prap si mi.

E pyetën a do të hash drekë, tha jo, në aeroport, udha e mbarë. Kjo është për turp e faqe të zezë. E treta. Për çfarë janë shpikur qeveritë mes shteteve. Janë shpikur që të bisedojnë më njeri-tjetrin për të mirën e popujve. As shqiptarët as grekët nuk kanë hajër nëse qeveritë e tyre zihen. Nuk u zgjidhën problemet me mitingje”, tha Ylli Manjani./ CNA





Lajmet e fundit nga