web counter
LEXO PA REKLAMA!

SHKARKO APP

App Store
Google Play

E fundit!

x

Vota e emigrantëve/ Lapaj sfidon Ramën

14 Maj 2024, 17:51, Aktualitet CNA
Vota e emigrantëve/ Lapaj sfidon Ramën
Adriatik Lapaj

Themeluesi i lëvizjes “Shqipëria Bëhet”, Adriatik Lapaj ka sfiduar kryeministrin Edi Rama që të miratojë votën e emigrantëve dhe të fitojë, pasi kështu dëshnon se ka mbështetjen e Diasporës.

Sipas Lapaj, Diaspora ka forcën të ndryshojë situatën politikë në Shqipëri.

“Diaspora jonë ka forcën të ndryshojë situatën politike në Shqipëri. Ne kemi depozituar projektligjin për votën e diasporës dhe atë për listat e hapura. Sfidoj kryeministrin, të miratojë votën e diasporës, të fitojë dhe këtu dëshmon mbështetjen e diasporës për të.

Nëse e ka diasporën me vete, të miratojë votën e emigrantëve, ta bëjë se ka edhe votat, se unë vetëm dëshirën kam. Mua më udhëheq vetëm parimi i ligjit, çdo shtetas shqiptar që mban pasaportë shqiptare duhet të votojë.

Duhet adresuar çështja e pensioneve e shqiptarëve në Greqi. Nuk është me të thënë, duhet ta bëjë, sepse është kryeministër dhe e ka në dorë. Problem janë radhët në kufi, problem tjetër janë certifikatat e pronësisë për pronat që shqiptarët kanë në Greqi.

Këta kanë miratuar ligje në bazë të interesave. Në Shqipëri është krijuar filozofia që kush shkon “lart” do të vjedhë.

Ne na mbështesin për shkak të parimeve tona dhe përballjen tonë me këtë qeveri. Ne shohim burimin e problemit. Gjithçka vjen sepse çdo gjë merret pa garë.

Nuk është problemi se kush vjen në pushtet, por të vendosen disa parime për shtetbërje. Njerëzit e dinë të vërtetën dhe ndryshimi do të vijë”, u shpreh ai.

Ndër të tjera, në një intervistë Lapaj komentoi dhe takimin e Ramës në Athinë. Ai deklaroi se në bazë të fakteve që kanë dalë, administrata ka qenë e pranishme në stadium.

“Siç kanë dalë dhe do të dalin fakte, administrata ka qenë e pranishme në stadium.  Sigurisht që një pjesë kanë shkuar për kuriozitet”, ka deklaruar Lapaj./ CNA





Lajmet e fundit nga