Afera 5D/ Teliti: Shtabi elektoral i Veliajt krenohej kush kishte harxhuar më shumë para për vota

14 Maj 2024, 19:19, Aktualitet CNA

Afera 5D/ Teliti: Shtabi elektoral i Veliajt krenohej kush kishte harxhuar

Dorian Teliti

Nënkryetari i Këshillit Bashkiak të Tiranës, Dorian Teliti ka folur për aferën 5D si dhe korrupsionin që kanë kryer drejtorët e Veliajt në Bashkinë e Tiranës.

I ftuar në emisionin Task Force me gazetaren Sonila Meço, Teliti ka zbuluar se shtabi elektoral i Veliajt kur uleshin në darka private krenoheshin se kush kishte harxhuar më shumë para për të blerë vota.

Sipas Telitit në këtë histori ka dy variante. Ose Veliaj është i përfshirë në aferën korruptive të 5D dhe ka kryer një vepër kriminale që është përvetësimi i 100% i parave publike me anë të procedurave fiktive tenderuese, ose rasti i dytë që nuk di gjë dhe drejtorët e tij kanë ngrënë kumbulla dhe dardha pas shpinës së tij, gjë që është e dyshimtë.

Teliti tha se Veliaj duhet të dorëhiqet dhe paratë e dhëna për ‘5D’ të sekuestrohen.

“Dy janë variantet: O Erion Veliaj është i përfshirë në aferën korruptive të ‘5D’ dhe ka kryer një vepër kriminale që është përvetësimi i 100% i parave publike me anë të procedurave fiktive tenderuese, automatikisht duhet të ndëshkohet dhe jo thjeshtë të ikë.

Ose rastin tjetër që ky nuk nuk dika gjë, paskan ngrënë kumbulla e dardha, e fiq pas kurrizit. Ti je drejtuesi i bashkisë Tiranë, je drejtuesi politik i saj, je administratori i saj, je kryetari i autoritetit kontraktor të bashkisë që firmos kontratat e punimeve.

Je njeriu që firmos faturat, shpenzimet, autorizimet e tyre. Funksione që mund t’i delegojë, por nuk e përjashtojnë nga përgjegjësia ligjore.

Si është e mundur që të paskan shpëtuar 29 raste, kontrata te ‘5D’. Dmth ti je i paaftë.

Në të dyja rastet, o ti je brenda zullumit, që ne besojmë se ai ka futur duart në zullume.

Si sot 1 vit më parë kemi qenë në zgjedhje. Ju e mbani mend edhe reagimin e Veliajt, i cili në një studio televizive tha se; e kam parë denoncimin e kandidatit rival, Belind Këlliçi, e kam investiguar dhe nuk është ashtu siç ka thënë Këlliçi.

Ndërkohë që sot është e faktuar, i mbrojti këta cubat, drejtorët e tij, që ishin edhe drejtuesit e shtabit të tij elektoral të Tiranës, të cilët kur uleshin në darka private krenoheshin se kush e kush kishte harxhuar më shumë para për të blerë vota.

Qytetarët e Tiranës, protestojnë sot se ku shkuan paratë. Ne kërkojmë dorëheqjen e Veliajt që është gjëja minimale dhe ne duam të dimë se ku janë 30 mln eurot e ‘5D’, pse nuk po sekuestrohen’, tha Dorian Teliti./ CNA