web counter
LEXO PA REKLAMA!

SHKARKO APP

App Store
Google Play

E fundit!

x

Denoncimet për Veliajn/ Këlliçi: Drejtësia të mos ketë frikë të vendosë gishtin në plagë

14 Maj 2024, 20:00, Aktualitet CNA
Denoncimet për Veliajn/ Këlliçi: Drejtësia të mos
Belind Kellici

Drejtuesi politik i PD-së për Tiranën, Belind Këlliçi ka deklaruar se të gjitha denoncimet që ka bërë për inceneratorët dhe kryebashkiakun Erion Veliaj janë të faktuara.

Në një prononcim tek Syri Tv, Këlliçi tha se pret nga drejtësia që të bëjë drejtësi dhe të mos ketë frikë të vendosë gishtin në plagë.

Këlliçi tha se të tjera dokumente që kanë lidhje me drejtorët e Veliajt do të bëhen publike ditën e nesërme.

Drejtuesi politik i PD-së për Tiranën, Belind Këlliçi u shpreh se opozita është e vendosur t’i shkojë kësaj kauze deri në fund.

“Sot që flasim të gjitha janë të faktuara, gjithçka kam denoncuar sot është e faktuar qoftë roli i Veliajt qoftë i shtabit elektoral të tij.

Arben Maloku ka vjedhur vota, është denoncuar nga qytetarët.

Nga nesër do bëjmë publike disa dokumente të reja. Në 14 maj 2024 të gjitha janë të faktuara. Pres nga drejtësia të bëjë drejtësi, të mos ketë frikë të vërë gishtin në plagë. Duam një drejtësi pa regji. Opozita është e vendosur t’i shkojë kësaj kauze deri në fund”, tha Këlliçi./ CNA





Lajmet e fundit nga