web counter
LEXO PA REKLAMA!

SHKARKO APP

App Store
Google Play

Skandali me TIMS/ Balla mohon se ka rrjedhje të dhënash: Janë 100% të mbrojtura

4 Tetor 2023, 09:58, Aktualitet CNA

Skandali me TIMS/ Balla mohon se ka rrjedhje të dhënash: Janë

Ministri i Brendshëm, Taulant Balla, ka deklaruar në Komisionin për Çështjet Evropiane se nuk ka asnjë rrjedhje të dhënash nga sistemi TIMS.

Balla është shprehur se sistemi është sulmuar më parë gjatë muajve të verës nga një sulm kibernetik, por sistemi është i gjithi funksional.

"Dua të garantoj se të dhënat e çdo qytetari në sistem TIMS janë 100% të mbrojtura. Nuk ka të dhëna që mund të kenë rrjedhur nga ky sistem. Dua të them që sistemi ynë është sulmuar si pjesë e një sulmi total të verës së kaluar pas sulmit kibernetik. Sistemi është i gjithë 100% funksional.

Pretendimet për operimin e brendshëm që lidhet me procedura të funksionimit të brendshëm dhe me një "back up" që është procedural i brendshëm, nuk ka shqetësim për ndonjë rrjedhje të dhënash.

Ministri është njoftuar nga vetë personat që pretendonin këtë problematikë që nga ai moment i kam kërkuar drejtorit të policisë dhe AMP, që kanë iniciuar hetimet e tyre, përfshirjen e menjëhershme të prokurorisë speciale ka qenë rekomandim që të ndiqet nga prokuroria e Tiranës, dhe është regjistruar një procedim që unë e mbështes plotësisht dhe në çdo rast duhet të pranojmë që në momentin që fillon hetimi duhet të heshtim dhe të presim hetimet", tha Balla. / CNA





Lajmet e fundit nga