web counter
LEXO PA REKLAMA!

SHKARKO APP

App Store
Google Play

E fundit!

x

Siguria gjatë sezonit turistik/ Balla, elozhe policisë: Zero ngjarje kriminale

1 Nëntor 2023, 09:22, Aktualitet CNA

Siguria gjatë sezonit turistik/ Balla, elozhe policisë: Zero ngjarje

Ministri i Brendshëm, Taulant Balla, ka vlerësuar angazhimin e policisë gjatë sezonit turistik.

Gjatrë fjalës së tij, Balla u shpreh se siguria e turistëve këtë sezon ishte një test shumë i rëndësishëm, nga ku vendi ynë u certifikua si një destinacion i sigurt.

Ai tha se falë punës së policisë, nuk ka pasur ngjarje kriminale ndaj jetës së turistëve të huaj.

“Lajmi më i bukur i këtij viti nuk është vetëm shifra 10 milionë (që presim të mbyllim deri më 31 Dhjetor) , por certifikimi ndërkombëtar i Shqipërisë sonë si një destinacion europian me bukuri natyrore, mikpritje të pakonkurueshme dhe siguri mbresëlënëse.

Sot mund ta themi me kokën lart dhe me krenari se Shqipërisë i është pastruar një herë e mirë imazhi i nxirë nga një e shkuar e rëndë shumëvjeçare.

Siguria e turistëve në këtë sezon turistik historik, ishte një test i rëndësishëm pasi çertifikoi vendin tonë si një destinacion të sigurtë turistik.

Praktika e vendeve të tjera që e kanë kaluar këtë proces ka qenë rritja e njësive policore turistike për të ndihmuar dhe mbrojtur turistët, sepse policia është padyshim një pjesë e rëndësishme e imazhit të destinacionit turistik.

Gjatë këtij sezonit turistik, kanë kryer shërbim në zona turistike/plazhe mbi 1600 punonjës policie, pothuajse 1/6 e gjithë forcës sonë të disponueshme policore. Duhet ta kemi të gjithë parasysh një fakt, tek i cili duhet të bazohet një mbështetje edhe më e madhe dhe e merituar për Policinë e Shtetit, jo vetëm sa i përket trajtimit financiar. I gjithë ky fluks gjatë vitit 2023, me 30% më shumë sesa një vit më parë, është përballuar nga e njëjta trupë policore.

Mirënjohje e merituar për të gjithë efektivët e policisë së shtetit të cilët mundësuan një sezon turistik me 0 ngjarje kriminale, ndaj jetës së turistëve të huaj të cilët zgjodhën Shqipërinë për të pushuar.

THANK YOU

Renea, FNSh, Delta, Policia Alpine, Njësia Policore Detare, Policia Kufitare, Patrullat e Përgjithshme, Shqiponjat, Forcat Operacionale në DVP,  Policia Rrugore, Policia Kriminale.

Vera e zgjatur e këtij viti na vendosi përballë një numri të frikshëm zjarresh. Kam ndjekur dhe do të vazhdoj të ndjek me drejtorët e qarqeve procedimet penale në ngarkim të 101 shtetasve të arrestuar/proceduar penalisht për këtë fenomen barbar”, tha Balla./ CNA





Lajmet e fundit nga