web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e rrezikshme për Ballkanin/ Rama kërkon reagimin e BE-së: Të thyhet heshtja

31 Tetor 2023, 17:40, Aktualitet CNA
Deklaratat e rrezikshme për Ballkanin/ Rama kërkon reagimin e
Kryeministri i vendit Edi Rama

Kryeministri i vendit Edi Rama ka kërkuar që Bashkimi Europian të reagojë sa më shpejtë për deklaratën e dhënë nga  Milorad Dodik pas vizitës së tij në Kremlin ku thotë se Serbia e Madhe duhet krijuar duke përfshirë brenda saj përveç Republikës Srpska dhe Malin e Zi e Kosovën.

Rama shprehet i befasuar nga  mungesa e reagimit të deritanishëm nga partnerët tanë të BE-së.

“Kanë kaluar tri ditë që nga deklaratat e rrezikshme dhe nxitëse kundër Bosnje-Hercegovinës, Kosovës dhe Malit të Zi. Duhet të rrëfej, jam i befasuar nga mungesa e reagimit të deritanishëm nga partnerët tanë të BE-së dhe sinqerisht shpresoj që kjo heshtje të thyhet sa më shpejt!”, shkruan rama në rrjetet sociale.

Milorad Dodik  ka shpalosur projektin serbo-rus në Ballkan. Në një intervistë për Sputnik-un rus, të transmetuar të shtunën e shkuar, Dodik thoshte se Serbia e Madhe duhet krijuar duke përfshirë brenda saj përveç Republikës Srpska, edhe Malin e Zi dhe Kosovën. Por ai rekomandon që kjo të arrihet përmes “mjeteve demokratike e masave politike dhe jo përmes luftës”! Këtë ai e konsideron si zgjidhjen e vetme “për paqe në Ballkan”.

Sipas Dodik, në kohët e sotme po krijohet një konfigurim i ri i botës dhe këshillon që serbët nuk duhet të gjenden në befasi.

Ai  tha për Sputnik se “Vuçiç e ktheu çështjen e Kosovës e Metohisë në skenën ndërkombëtare përmes procesit të negociatave, por edhe përmes procesit të tërheqjes së njohjeve të Kosovës dhe Metohisë nga një numër i konsiderueshëm vendesh./ CNA





Lajmet e fundit nga