web counter
LEXO PA REKLAMA!

SHKARKO APP

App Store
Google Play

Shfrytëzimi i të miturve për punë/ Avokati Serjani për CNA: Rast abuzimi, nevojitet ndërhyrje

15 Korrik 2025, 16:09, Aktualitet CNA

Shfrytëzimi i të miturve për punë/ Avokati Serjani për

Avokati Gentian Serjani ngriti sot alarmin se shfrytëzimi i të miturve për punë është jo vetëm një problematikë serioze, por edhe një rast abuzimi.

Në një intervistë për CNA TV, Serjani u shpreh se për këto situata që hasen vazhdimisht në rrugët e kryeqytetit nevojitet ndërhyrje ndërsektoriale.

Serjani tha se një nga shkaqet e kësaj situate është edhe mungesa e politikave të mirëfillta.

“Do ta nis me të dhënat nga Eurostat, sipas të cilit 40% e familjeve shqiptare jetojnë në varfëri ekstreme. Kjo do të thotë se kemi një përqindje të lartë të familjeve me probleme ekonomike dhe sociale. Nisur nga kjo çështje dhe kjo problematikë që ka sot shoqëria shqiptare. Padyshim mund të shohim që ka fëmijë që shfrytëzohen nga prindërit për të lypur, me qëllim përfitimi. Shohim çdo ditë fëmijë të komunitetit rom dhe egjiptian më së shumti, që shfrytëzohen nga prindërit për të marrë të ardhura ekonomike. Kjo situatë është shumë komplekse dhe ka nevojë për ndërhyrje ndërsektoriale. Mund të themi se është rast abuzimi, për sa i përket shfrytëzimit të fëmijëve, por duhet analizuar edhe për cilat arsye ndodh. Ka edhe mungesë të mbështetjes nga ana e institucioneve. Për aq kohë sa ne nuk shohim se nuk ka politika të mirëfillta që të zbatohen dhe buxhet të mirëflltë, padyshim që do të kemi situata të tilla”,-tha Serjani./CNA

 

 





Lajmet e fundit nga