“Nuk ka nevojë për terror”/ Shehaj: Siguria ushqimore në vend është në kolaps

14 Korrik 2025, 18:49, Aktualitet CNA

“Nuk ka nevojë për terror”/ Shehaj: Siguria ushqimore

Ekspertja e ekonomisë, Brisida Shehaj komentoi sot mbi sigurinë ushqimore në vend, duke e lidhur edhe me aksionin që nisi nga kjo e hënë për konfiskimin e bulmetit dhe mishit të tregtuar pa faturë.

E ftuar në një emision në ‘Syri Tv’, Shehaj u shpreh se teksa rreth 80-90% e mallrave që konsumohen në vend janë nga importi, nuk ka kuptim që të vendoset terror për sasinë prej 10-20% të ushqimeve që prodhohen në vend.

Shehaj tha se që ky kontroll të ketë vlerë, atëherë duhet të ketë kontroll edhe mbi produktet me vaj palme, salmonelë apo aflatoksinë.

“Kam bindjen time që Rama nuk ka nevojë më të bëj terror. Pra, kjo ideja që ai po terrorizon popullin... Cilin popull? Ne jemi popull që iu nënshtrua, i dha 82 kokrra mandatesh. Mirë që u nënshtruan këta këtu, por njësoj u nënshtruan dhe ata në diasporë. Dhe kemi parë skandale me votat e diasporës. I kemi parë dhe sot me zotin Berisha me ca firma, që nuk ishin firma. Pra, ai nuk ka nevojë të terrorizojë askënd.

Ajo që unë dyshoj realisht, përpara se të flas teknikisht për atë që unë mendoj, është që ne na duhet një psikolog dhe unë e kërkova në gjyq në fakt ngaqë i ishte shkaktuar një dëm shumë i madh psikologjik atij zotërisë nga deklaratat e mia por nuk ma aprovoi gjyqtari. I duhet vlerësim psikologjik pse ky person ka një lloj urrejtje për ne si popull apo dhe për pjesën që janë në nevojë.

Nëse flasim për siguri ushqimore, po flasim për një popull, për një komb, për një shtet, i cili ka 80-90% të ushqimit që konsumon, mall importi. Pra, ajo që prodhohet apo konsumohet në Shqipëri nga fermerët tanë, mbulon apo nuk mbulon 10-20%, që do të thotë që siguria jonë ushqimore nuk cenohet nga rigoni i asaj zonjës që thoshte ‘T’u bëftë Bardha, o Muçi’.

Ndërkohë, në maksimale më përpara, tregjet që u krijuan, ka qenë njeriu vetë që ka shkuar në tregje dhe ka qenë njeriu vet që ka vajtur në tregje dhe janë trajtuar si ambulantë, sepse ata nëse do të mbajnë kasë dhe fiskalizimin, duhet të paguajnë edhe një ekonomist.

Thënë këtë, i bie që nëse do të merremi me sigurinë ushqimore, i bie të merremi me qumështin që na vjen ne me vajin e palmës, me mishin që na vjen nga Brazili me salmonelë, qumështi me afatoksinë, e shumë të tjera si mandarinat, domatet, specat... të gjitha këto që nuk kontrollohen, sepse nuk kemi një laborator”,-tha Shehaj./CNA