web counter
LEXO PA REKLAMA!

SHKARKO APP

App Store
Google Play

E fundit!

x

Nuk deklaroi 2.5 milionë euro të ardhura/ Tatimet kallëzojnë hotelin në Velipojë

12 Korrik 2025, 22:54, Aktualitet CNA

Nuk deklaroi 2.5 milionë euro të ardhura/ Tatimet kallëzojnë

Drejtoria e Përgjithshme e Tatimeve me anë të një njoftimi ka bërë me dije se është identifiikuar në Velipojë një hotel që dyshohet se shmangte detyrimet tatimore.

Në njoftim thuhet se gjatë kontrollit të ushtruar u konstatua se ky biznes nuk lëshonte fatura tatimore si dhe nuk bënte deklarim real të kapaciteteve.

 

“Në kuadër të Planit Operacional të Turizmit, Administrata Tatimore ka intensifikuar kontrollet në zonat turistike me në fokus pagat indikative, në kuadër të luftës kundër informalitetit të pagave dhe evazionit fiskal. Në Velipojë, pas një analize të thelluar të riskut, u identifikua 1 hotel, që operonte me 2 NIPT-e, duke ngritur dyshime për ndarje artificiale të aktivitetit me qëllim shmangien e detyrimeve tatimore.

Gjatë kontrollit të zhvilluar me kamera trupi nga Task-Forca e Terrenit dhe Hetimi Tatimor, u konstatuan shkelje të rënda si: Moslëshimi i faturave tatimore; Dhoma të paregjistruara në përgjegjësinë e TVSH-së; Mosdeklarim real i kapaciteteve dhe qarkullimit. Administrata Tatimore mbetet e përkushtuar në ndërtimin e një klime të ndershme dhe transparente për biznesin, ndaj fton të gjithë tatimpaguesit të respektojnë detyrimet ligjore për të shmangur pasojat administrative apo penale, që rrjedhin nga ligji”, njoftojnë Tatimet.

 

Tatimet njoftuan se hoteli nuk kishte deklaruar 2.3 milionë euro të ardhura për periudhën 2020-2025.

 

“Hotel me 52 dhoma, 2 nipte nga dy persona me lidhje familjare, që ngrinte dyshime për fragmentarizim artificial për të shmangur tatimet. Subjekti deklaronte 11-29% të përdorimit të kapaciteteve në zonën shumë të frekuentuar. Rezultoi se 20 dhoma në secilin NIPT nuk ishin të regjistruara. Nuk lëshoheshin fatura dhe kishte punonjës të padeklaruar. 25 mijë lekë gjobë për moslëshim fature dhe 50 mijë lekë gjobë për punonjës të padeklaruar. Subjekti rezultoi nga analiza se nuk kishte deklaruar rreth 2,3 mln euro të ardhura përgjatë periudhës 2020-2025. Për këtë shkak dosja iu referua për veprime të mëtejshme penale me denoncim në Prokurorinë e Shkodrës”, njoftoi ndër të tjera DPT-ja ditën e sotme (12 korrik).

 





Lajmet e fundit nga