web counter
LEXO PA REKLAMA!

SHKARKO APP

App Store
Google Play

E fundit!

x

Aksioni për hapësirat publike/ Haxhimali: Ndalojmë te Thethi e po mbytemi në mes të Tiranës

11 Korrik 2025, 21:58, Aktualitet CNA

Aksioni për hapësirat publike/ Haxhimali: Ndalojmë te Thethi e po

Drejtori i Institutit për Bashkitë Shqiptare, Agron Haxhimali u shpreh sot se sa kohë institucionet tolerojnë, paguajnë e korruptohen, situata me zënien e hapësirave publike do të vazhdojë.

Në një dalje televizive, Haxhimali e cilësoi si ndërhyrje në administratën lokale nga ana e kryeministrit, qëndrimin publik të Ramës mbi këtë çështje.

Haxhimali tha se teksa në këto momente vëmendja është në Theth, situata në Tiranë është mbytëse.

“Kryeministri po ndërhyn në administratën lokale, por zyrtarët lokalë kanë shumë probleme. Prona publike mbrohet nga të gjithë. Toka në Theth nuk ekziston as në Kadastër, por është përgjegjësi e shtetit, që nuk e ka bërë Kadastrën. Sa kohë institucionet flenë gjumë, të tolerojnë, i paguan, i korrupton, për interesa elektorale, kjo situatë do jetë. Kemi lot në Tiranë, në Sarandë, në veri e në jug. Pse kështu do vazhdojmë?Administrata nuk funksionon. Nuk funksionon, sepse ka zona, që ti duhet të thuash që këtu nuk ndërtohet. Ne ndalojmë tek Thethi, e po mbytemi në mes të Tiranës. Pushteti vendor është zgjatim i PS-së. Skandal, nuk duhet të jetë as i PS-së dhe as i PD-së, Kushtetuta i ka përcaktuara si autoritet i drejtpërdrejtë. Do e vlerësoja kryeministrin, nëse do largonte kryebashkiakët, se ata e kanë administrimin lokal”,-tha Haxhimali./CNA





Lajmet e fundit nga