web counter
LEXO PA REKLAMA!

SHKARKO APP

App Store
Google Play

E fundit!

x

Vijon prishja e ndërtimeve pa leje në Theth/ Salihi: Të angazhuar edhe për heqjen e inerteve

12 Korrik 2025, 08:55, Aktualitet CNA

Vijon prishja e ndërtimeve pa leje në Theth/ Salihi: Të angazhuar

Së bashku me prishjen e ndërtimeve pa leje në Theth, Bashkia Shkodër, me të gjitha strukturat dhe ndërmarrjet e saj, ka ndërmarrë një aksion intensiv në qendrën historike të Thethit, për të rikthyer imazhin dhe funksionalitetin e kësaj zone ikonike të Alpeve shqiptare. Deri tani janë larguar rreth 500 m³ beton.

Sipas Altin Salihit, Drejtor i Ndërmarrjes së Shërbimeve dhe Punëve Publike, ndërhyrja nuk do të ndalet derisa qendra e Thethit të rikthehet në gjendjen e mëparshme.

"Pas aksionit të IKMT për prishjen e objekteve pa leje në zonën e Thethit, Bashkia Shkodër është angazhuar me të gjitha strukturat e saj dhe po vijon pastrimin e inerteve. Sigurisht që është nisur me prishjet e para pra në qendrën historike të Thethit, afër kishës po pastrohen të gjitha inertet. Punë e cila do të vijojë edhe në ditët e tjera deri në përfundim", tha Altin Salihi, drejtori i Ndërmarrjes së shërbimeve publike.

Katër grupe pune, 7 fadroma, dhjetëra makineri të tonazhit të rëndë dhe mbi 60 kamionë janë në operacion këtë fundjavë.

Ky aksion synon jo vetëm pastrimin fizik të inerteve, por edhe rikthimin e identitetit dhe vlerave natyrore e historike të njërit prej destinacioneve më të rëndësishme turistike të veriut./ CNA





Lajmet e fundit nga