web counter
LEXO PA REKLAMA!

SHKARKO APP

App Store
Google Play

VIDEO/ Policia e Shkodrës kapet duke gënjyer, momenti kur hidhet molotov ndaj fadromave

12 Korrik 2025, 14:35, Aktualitet CNA

VIDEO/ Policia e Shkodrës kapet duke gënjyer, momenti kur hidhet

Një ditë më parë Policia e Shkodrës mohoi të jetë hedhur molotov ndaj fadromave që kryenin prishjen e objekteve në Theth.

Sipas policisë, lëndët shpërthyese ishin hedhur në urë dhe jo te fadromat.

"Në lidhje me një lajm të publikuar në media dhe rrjete sociale, se në fshatin Theth janë sulmuar me lëndë djegëse (molotov) mjetet fadromë të IKMT-së dhe një urë në lagjen “Gjelaj”, sqarojmë se:

Rreth orës 15:35, një shtetas ende i paidentifikuar ka hedhur në rrugë një shishe me lëndë djegëse, duke tentuar djegien e një ure druri, por me ndërhyrjen e Policisë është parandaluar djegia e plotë e saj. Nga zjarri, ura ka pësuar dëmtime të pjesshme.

Sqarojmë se asnjë mjet fadromë nuk është sulmuar me lëndë djegëse dhe nuk është shkaktuar asnjë dëm material apo rrezik për jetën e qytetarëve apo punonjësve të shërbimeve shtetërore.

Shërbimet e Drejtorisë Vendore të Policisë Shkodër dhe ato të Forcës Kombëtare të Sigurisë ndodhen në zonë, në mbështetje të strukturave të IKMT Tiranë dhe IMT të Bashkisë Shkodër, për zbatimin e planit për prishjen e ndërtimeve pa leje në fshatin Theth.

Grupi hetimor vijon veprimet për identifikimin dhe kapjen e personit që hodhi në rrugë lëndën djegëse.

Policia është e vendosur për të garantuar sigurinë e shtetasve dhe të automjeteve që punojnë në zonë për prishjen e ndërtimeve pa leje dhe apelon për banorët që të mos kryejnë veprime që pengojnë veprimet e ligjshme të strukturave që operojnë në terren, pasi do të përballen me forcën e ligjit", thuhej në njoftim. 

Por në fakt ka një video, pamjet e së cilës nxjerrin zbuluar Policinë e Shkodrës.

Pamjet tregojnë se ndaj fadromave të IKMT janë hedhur molotov.

Kështu efektivët e policisë shihen duke u larguar nga fadroma ndaj të cilës është hedhur molotov.

Kujtojmë se prej 5 ditësh vijon aksioni për prishjen e ndërtimeve pa leje në Theth./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga