web counter
LEXO PA REKLAMA!

SHKARKO APP

App Store
Google Play

Kafshimet nga gjarpërinjtë dhe insektet/ Mjeku Xhelilaj për CNA: Zero raste te fëmijët këtë vit

14 Korrik 2025, 20:37, Aktualitet CNA

Kafshimet nga gjarpërinjtë dhe insektet/ Mjeku Xhelilaj për CNA:

Pickimet te fëmijet nga kafshët helmuese këtë vit kane qënë zero, ndërsa gjatë vitit të kaluar ka pasur vetëm katër raste te tiila, të cilat janë trajtuar me sukses. Këtë fakt e pohon për CNA TV, Gent Xhelilaj, mjek pranë pediatrisë së përgjithshme në QSUT. Xhelilaj jep disa keshilla se si duhet reaguar ne raste të tilla dhe si trajtohen ato më pas.

 “Nuk është e nevojshme që gjarpri të kapet ose t’i pritet koka, pasi është parë që edhe pas prerjes së kokës mund të ndodhin kafshime aksidentale nga gjarpri. Gjithashtu personi që vjen për ta ndihmuar duhet të shikojë edhe gjendjen e përgjithshme të fëmijës, pra ka toksicitet sistemik apo jo dhe të bëjë një vlerësim paraprak të plagës, deri ku është gjendja me plagën. Sot nuk rekomandohen më antiinflamatorët siç është ibuprofeni apo naprokseni, pasi ka rrezik që të ndërhyjnë në gjak edhe me çrregullimet që jep helmi i gjarprit. Kështu që preferohet të përdoren anelgjezikë opioikë që quhen, siç mund të jetë tramadoli. Duhen eleminuar në mënyrë rigoroze disa tradita që kanë ngelur, si t’i presësh plagën dhe t’i thithësh helmin. Duhet paraqitur sa më shpejt në qendrën e parë më të afërt të specializuar për kafshimet e gjarprit”,-këshillon mjeku Xhelilaj.

Sipas Xhelilajt, personat me faktorë të lartë rrisku janë ata të cilët kanë alergji nga pickimi i insekteve. Këtu përmend pickimet nga bletët, ku personi duhet te pajiset gjatë të gjithë kohës me adrenalinë me vete.

 “Personat që e dinë se kanë alergji nga bleta, ajo është një urgjencë mjekësore ku në radhë të parë vetë personi gjithë jetën e tij duhet të qarkullojë me një shiringë adrenaline në xhep dhe në momentin e parë të pickimit të bletës t’ia bëjë vetes. Ky person duhet konsideruar me një shok alergjik”,-tha Xhelilaj.

Në të gjitha rastet, mjekët u bëjnë thirrje qytetarëve që të kërkojnë ndihmë mjekësore pranë Qendrave Shëndetësore, pa pritur që gjendja e tyre të rëndohet./CNA

 





Lajmet e fundit nga