web counter
LEXO PA REKLAMA!

SHKARKO APP

App Store
Google Play

Sherri ku u përfshi burri i Delina Ibrahimajt/ Çfarë thotë drejtori i Policisë së Tiranës?

2 Maj 2024, 09:26, Aktualitet CNA
Sherri ku u përfshi burri i Delina Ibrahimajt/ Çfarë thotë
Delina Ibrahimaj

Drejtori i Policisë së Tiranës, Tonin Vocaj, u shpreh në një konferencë për mediat për sherrin e burrit të ministres Delina Ibrahimaj, se nuk është një ngjarje sensitive. 

Ai sqaroi se materialet janë çuar në prokurori, për veprën penale goditje për shkak të detyrës. Vocaj shtoi më tej se është i vërtetë fakti që nuk është bërë e mundur që të kapej menjëherë autori i kësaj ngjarjeje. 

“Lidhur me këtë ngjarje, ngjarja është e vitit të kaluar. Lidhur me këtë ngjarje strukturat e hetimit të komisariatit nr.1. kanë kryer procedurat. Materialet janë çuar në prokurori, për veprën penale goditje për shkak të detyrës. Është e vërtetë fakti se nuk është bërë e mundur që të kapej menjëherë autori i kësaj ngjarjeje. Lidhur me pyetjen tuaj se policia ka pasur një mungesë transparence, kjo ngjarje nuk futet te ngjarjet sensitive për të cilat policia jep njoftime për shtyp. Të gjitha materialet janë referuar në prokurori, dhe është prokuroria që po heton këtë çështje.”, tha ai.

Pak ditë më parë pati edhe një reagim nga ministrja e Sipërmarrjes, Delina Ibrahimaj për konfliktin e bashkëshortit të saj Andri Ibrahimaj me shtetasin E. K. drejtorin e Përgjithshëm të Agjencisë së Trajtimit të Kredive (ATK).

Ibrahimaj konfirmoi se sherri ka ndodhur pranë vendit të punës së bashkëshortit të saj.

Ajo bëri lojë fjalësh, pasi justifikoi bashkëshortin e saj duke thënë se është paditur padrejtësisht dhe hetimi është pushuar për mungesë provash./CNA 

 





Lajmet e fundit nga