E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Shërbesa e Dytë e Dhëndrit/ Mesazhi i Kryepiskopit Joan: Çdo njeri e ka garën me veten dhe jo me të tjerët

6 Prill 2026, 20:01, Aktualitet CNA

Në Katedralen “Ngjallja e Krishtit” në Tiranë është mbajtur pasditen e sotme Shërbesa e Dytë e Dhëndrit. Kryepiskopi Joan gjatë predikimit para besimtarëve të pranishëm u shpreh se Shërbesat e Dytë e Dhëndrit flet për ardhjen e dytë të Krishtit.

Fortlumturia e Tij theksoi rëndësinë e veprave të mira në jetën e njeriut dhe se duhet të bëhen në emër të Zotit. Kryepiskopi foli edhe për talentet që Zoti i ka dhënë njeriut, ku tha se nuk duhen shpërdoruar por duhen dyfishuar. Ndër të tjera, Fortlumturia e Tij u shpreh se çdo njeri e ka garën me veten dhe jo me të tjerët.

“Gjatë Javës së Madhe mëngjesorja bëhet në darkë. Në këtë ditë kemi dy tema të rëndësishme, Paravolinë e 10 Virgjëreshave dhe Shërbesën e Dytë të Dhëndërit, që do të thotë se flet për ardhjen e dytë të Krishtit, si dhëndri i Kishës. Çfarë do të thotë kjo Paravolia e 10 Virgjëreshave? Të gjithë etërit e Kishës kanë predikuar rreth kësaj Paravolie. Virgjëreshat dhe llampat tregojnë shpirtin e njeriut, dhe vaji janë punët e mira që kanë bërë njërezit për të tjerët. Nëse ne bëjmë vepra të mira duhet ti bëjmë në emër të Krishtit.

Në shpirtin tonë janë tre vullnete: Vullneti i Perëndisë që është shpëtues i shpirtit tonë, vullneti jonë që nuk na shkatërron dot dhe i treti është vullneti i të ligut, i cili do të mundohet që mos të bëjnë njerëzit vepra të mira. Vullneti i të ligut shkatërron. Vullneti jonë shpeshherë mund të duket i mirë në sy, por këto vepra të mira nëse nuk bëhen për Zotin dhe njerëzit ne nuk do të kemi dobi. Dëshira nga krenaria nuk është vepër e mirë. Jo çdo punë e mirë në dukje mund të jetë e mirë.

Punë e mirë është ajo që bëhet në emër të Krishtit. Në ditën e ardhjes së Zotit pastaj do të pranohemi nga Zoti. Zoti i ka dhënë çdo njeriu një talent, dikujt më shumë dikujt më pak, për arsye që i di vetë ai. Çdo talent që Zoti na ka dhuruar duhet ta dyfishojmë. Kur e shpërdorojmë dhe nuk e përdorim është në dëmin tonë. Ne nuk e kemi garën me njërëzit e tjerë. Mos të shikojmë çfarë bëjnë tjerët. Çdo njeri garën e ka me talentin e tij. Le të mundohemi ta mbushin vajin e llampës tonë me vajin e ngazëllimit me vepra ndaj njerëzve të tjerë. Jo për hirin tonë por për hirin e atyre”, u shpreh Kryepiskopi Joan. /CNA