web counter
LEXO PA REKLAMA!

SHKARKO APP

Samiti i 8-të i Komunitetit Politik Europian/ Rama publikon fotot

4 Maj 2026, 20:07, Aktualitet CNA

Samiti i 8-të i Komunitetit Politik Europian/ Rama publikon fotot

Në Jerevan të Armenisë ka zhvilluar këtë të hënë punimet samiti i 8-të i Komunitetit Politik Europian. Kryeministri Edi Rama ka ndarë pamje nga pjesëmarrja e tij në samit ku shihet duke biseduar me kreun e Këshillit Europian, Antonio Costa; presidenten e KE-së, Ursula Von der Leyen, përfaqësuesen e lartë të BE-së, Kaja Kalla, dhe liderë si Emmanuel Macron, Giorgia Meloni dhe kryeministri në detyrë i Kosovës, Albin kurti.

Samiti i këtij viti, ka bërë së bashku rreth 48 kryetarë shtetesh dhe qeverish nga i gjithë kontinenti nën moton “Ndërtimi i së Ardhmes: Uniteti dhe Stabiliteti në Europë”.

Diskutimet janë fokusuar në forcimin e bashkëpunimit ndërmjet vendeve europiane, koordinimin e veprimeve për rritjen e qëndrueshmërisë demokratike, si dhe avancimin e lidhshmërisë dhe sigurisë ekonomike e energjetike. Kryeministri i Kanadasë Mark Carney, ka marrë pjesë në samit, duke shënuar herën e parë që një vend jo-europian merr pjesë në takim. 

Komuniteti Politik Evropian është lansuar më 2022, si ide e presidentit të Francës, Emmanuel Macron, pas nisjes së pushtimit rus të Ukrainës, si një lloj forumi ndërqeveritar për diskutime politike lidhur me të ardhmen e Evropës. Samiti i radhës është planifikuar të mbahet në Irlandë në nëntor 2026. /CNA





Lajmet e fundit nga