web counter
LEXO PA REKLAMA!

SHKARKO APP

App Store
Google Play

E fundit!

x

Aksidenti në Durrës/ Ish-ministri i Drejtësisë: Ligjet e ashpërsuara të zbatohen pa mëshirë

4 Maj 2026, 13:28, Aktualitet CNA

Aksidenti në Durrës/ Ish-ministri i Drejtësisë: Ligjet e

Ish-ministri i Drejtësisë, Eduard Halimi, ka reaguar sot lidhur me aksidentin tragjik të së dielës, që u mori jetën dy fëmijëve dhe plagosi një tjetër.

Përmes një postimi në rrjetet sociale, Halimi shprehet se ligjet e ashpërsuara në Kodin Penal duhen zbatuar pa mëshirë, për raste të tilla tronditëse për të gjithë.

Sipas Halimit, mosndëshkimi i duhur i atyre që vrasin pas timonit, duhet të ritrajtohet pa asnjë formë tolerance dhe në mënyrë shembullore pa kompromis.

“Dy fëmijë të vrarë nga një i dehur në Durrës: Ligjet e ashpërsuara në Kodi Penal duhen zbatuar pa mëshirë!

Një aksident i tmerrshëm në Durrës na tronditi të gjithëve!

Dje, një person i dehur në timon goditi tre fëmijë të pafajshëm në trotuar. Rezultati: dy fëmijë të vdekur dhe një tjetër në gjendje të rëndë (fatmirësisht jashtë rrezikut për jetën sipas lajmeve të fundit).

Nuk ka fjalë që mund ta përshkruajnë dhimbjen e prindërve.

Edhe pse prej 9 vitesh nuk jam në politikën aktive, si prind dhe si ish-ministër i Drejtësisë ndihem i detyruar të flas. Kam qenë dhe mbetem kritik ndaj mosndëshkimit të atyre që vrasin pas timonit.

Në vitin 2013 propozova dhe arritëm të miratojmë mes shumë debateve paketën e ashpër penale, Ligji nr. 144/2013, i cili solli ndryshime të rëndësishme në Kodin Penal:

Neni 290 – Për autorë si ai i djeshëm që shkaktojnë vdekje ose plagosje të rëndë të disa personave, dënimi u ngrit deri në 20 vjet burgim (aq sa për vrasje me armë). Minimumi 5 vjet bën dallimin.

Neni 291 – Drejtimi në gjendje të dehur u ashpërsua deri në 3 vjet burgim.

Fatkeqësisht, vetëm një vit më vonë (Ligji 98/2014), neni 291 u zbut pjesërisht dhe u kthye te gjoba.

Nëse ai zbutje nuk do të ishte bërë, një recidivist i dehur mund të ishte dje në burg, jo në timon. Ndoshta ky aksident do të ishte parandaluar, ndoshta jo.

Por detyra jonë kur jemi në politikë është të krijojmë ligje që ulin mundësinë e tragjedive të tilla. Megjithatë, edhe ligji më i ashpër pa zbatim mbetet vetëm letër.

Efekti parandalues vjen nga zbatimi strikt, monitorimi i vazhdueshëm, sensibilizimi dhe ndëshkimi shembullor pa kompromis.

Bashkëngjitur postimit janë faqet zyrtare të Ligjit 144/2013 dhe ai i ndryshuar 98/2014

Ngushëllime të thella prindërve të dy engjëjve të humbur.

Shërim të plotë e të shpejtë për fëmijën e plagosur.

Drejtësi e plotë dhe ndëshkim maksimal për autorin.

Zero tolerancë ndaj atyre që vrasin pas timonit të dehur!”,-shkruan Halimi./CNA

 





Lajmet e fundit nga