web counter
LEXO PA REKLAMA!

SHKARKO APP

App Store
Google Play

GJKKO rrëzon sërish Metën/ Kreu i PL-së mbetet në qeli

4 Maj 2026, 10:16, Aktualitet CNA

GJKKO rrëzon sërish Metën/ Kreu i PL-së mbetet në qeli

Apeli i Gjykatës së Posaçme ka rrëzuar kërkesën e kreut të Partisë së Lirisë, Ilir Meta, për ndryshim të masës së sigurisë.

Meta dorëzoi më 29 prill kërkesën për zëvendësimin e masës së sigurisë “Arrest me burg” me një masë tjetër më të butë.

Vendimi u mor nga gjyqtarja Saida Dollani.

Kërkesa e kreut të PL-së u bë vetëm pak ditë pasi Gjykata e Posaçme nisi shqyrtimin me themel të dosjes së tij.

Kreu i PL-së, Ilir Meta, ndodhet në qeli që prej 21 tetorit të vitit 2024 ku ai dhe ish-bashkëshortja e tij, Monika Kryemadhi, akuzohen për korrupsion pasiv, pastrim parash dhe mosdeklarim pasurie.

 

Njoftimi i GJKKO-së:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Saida Dollani, sot më datë 04.05.2026, shpalli vendimin mbi çështjen penale nr. 120 akti, datë 22.04.2026 regjistrimi, mbi ankimin e ankuesit I.M: “Ankim kundër vendimit nr. 242, datë 24.03.2026 të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: zëvendësimin e masës së sigurimit personal të arrestit në burg, në një masë tjetër: arrest në shtëpi, garanci pasurore, detyrimi për t’u paraqitur në policinë gjyqësore, ose ndalimi i daljes jashtë shtetit” dhe vendosi: – Mospranimin e ankimit të paraqitur nga i pandehuri I.M., nëpërmjet mbrojtësit av. Kujtim Cakrani, ndaj disponimit nr. 242, datë 24.03.2026 të Gjykatës së Posaçme të Shkallës së Parë për Korrupsionin dhe Krimin e Organizuar. – Ky vendim t’i njoftohet palëve. – Ndaj këtij vendimi mund të bëhet rekurs në Gjykatën e Lartë. Tiranë, më 04.05.2026.





Lajmet e fundit nga