web counter
LEXO PA REKLAMA!

SHKARKO APP

App Store
Google Play

E fundit!

x

Rama, kundër SPAK-ut e BKH-së/ Klodiana Lala: Ke të drejtë "mbret" se s’të janë vërtitur prangat

21 Shkurt 2024, 14:59, Aktualitet CNA
Rama, kundër SPAK-ut e BKH-së/ Klodiana Lala: Ke të drejtë
Gazetarja Klodiana Lala

Kryeministri Edi Rama ka shprehur shqetësim e pakënaqësi ndaj veprimeve të SPAK-ut dhe kontrolleve të BKH-së në zyrat e shtetit gjatë një interviste të fundit me gazetaren Anila Basha.

Për deklaratat e Ramës ka ardhur një reagim nga gazetarja Klodiana Lala, e cila me ironi e cilëson si mbret.

Në një status në rrjetet sociale, Lala thotë se Rama ka të drejtë të jetë i pakënaqur për sa kohë nuk ka profesionistë që të shkojnë e t’u vënë prangat atij dhe vartësve të tij.

Ajo thotë se socialistët janë tërbuar nga sekuestrimet e telefonave, ndërsa i kërkon kreut të qeverisë të mos vjedhin shqiptarët, por të luftojnë krimin.

"'Duke qenë një njeri që jetoj çdo ditë si mbi gjemba, dhe e nis ditën i pakënaqur me veten time, e pastaj e ngrys i pakënaqur me të tërë shtetin, nuk kam se si të mos jem i pakënaqur kur informohem për shfaqje të shëmtuara e krejt të panevojshme, të hetuesve të BKH-së në zyrat e shtetit…'

Kështu ka deklaruar, ndër të tjera, Kryeministri Edi Rama, gjatë një interviste për gazetaren Anila Basha për revistën 'Newsbomb.al'.

Ke të drejtë 'mbret' se nuk doli një profesionist me kurajo e dinjitet nga ajo zyrë të të vërtisë prangat Ty e sojit tënd. Ndaj bën festë e na zhvat përditë, pastaj na përqesh...

Disa celulare ju kanë marrë nëpër zyra e ju ka ikur mendja. Imagjinoni të gërmojnë pak më shumë çfarë ere e shpifur që vjen politika me ju në krye.

'Mbret' nuk ka nevojë të na tregosh shfaqje të panevojshme, por mos na vidhni më, mos vidhni vota, mos lejoni të shpopullohemi, siguroni ilaçe për fëmijët e sëmurë, luftoni krimin që po sundon vendin. Sa për përralla me policë ju tregoj unë me shumicë”, shkruan gazetarja./ CNA

Rama, kundër SPAK-ut e BKH-së/ Klodiana Lala: Ke të drejtë





Lajmet e fundit nga