web counter
LEXO PA REKLAMA!

SHKARKO APP

App Store
Google Play

Prokuroria jep pretencën/ Kërkon dënimin e Princ Lekës, Elia Zaharisë dhe babait të saj

13 Nëntor 2024, 17:54, Aktualitet CNA
Prokuroria jep pretencën/ Kërkon dënimin e Princ Lekës, Elia
Elia Zaharia dhe Princ Leka

Prokuroria e Tiranës dha pretencën për Princ Lekën, Elia Zaharian dhe babain e saj, Gjergj Zaharia, të cilët në 25 mars të këtij viti u përfshinë në një akt dhune, çka çoi edhe në divorcin zyrtar mes çiftit mbretëror.

Prokuroria është treguar më e butë me Elia Zaharian, për të cilën kërkoi 6 muaj burg dhe 1 vit për babanë e saj.

Nga ana tjetër, për Princ Lekën kërkoi një vit e gjashtë muaj burg.

Organi i akuzës kërkoi që dënimi t’u konvertohet të treve në shërbim prove nëse shpallen fajtorë nga gjykata.

Vendimi i Gjykatës së Tiranës do të jepet në datën 13 dhjetor nga gjyqtarja Migena Laska.

Të tre akuzohen për veprën penale “dhunë në familje”. Princ Leka, Elia Zaharia dhe Gjergj Zaharia janë gjykuar me procedurën e gjykimit të shkurtuar.

Videoja e dhunës, e cila u bë virale në rrjet, ishte regjistruar brenda Pallatit Mbretëror në rrugën “Murat Toptani” pasditen e 5 marsit 2024.

Ndërkohë, më 25 prill Gjykata e Tiranës vendosi zgjidhjen e kurorës martesore mes Princ Lekës dhe aktores së njohur.

Leka Zogu ka pranuar nga ana e tij që vajza 3-vjeçare të lihet nën kujdesin e nënës, Elia, për t’u përgjigjur për kujdesin dhe edukimin e saj./ CNA





Lajmet e fundit nga