web counter
LEXO PA REKLAMA!

SHKARKO APP

App Store
Google Play

E fundit!

x

Projektligji "Për barazinë gjinore"/ Këshilli Ndërfetar i Shqipërisë: Jemi të palëkundur në qëndrimin tonë

5 Nëntor 2025, 19:25, Aktualitet CNA

Projektligji "Për barazinë gjinore"/ Këshilli

Këshilli Ndërfetar i Shqipërisë, në përfaqësim të pesë komuniteteve fetare në vend (Komuniteti Mysliman i Shqipërisë, Kisha Orthodhokse Autoqefale e Shqipërisë, Kisha Katolike në Shqipëri, Kryegjyshata Botërore Bektashiane dhe Vëllazëria Ungjillore e Shqipërisë), përmes një deklaratë ka ritheksuar qëndrimin e tij në lidhje me projektligjin “Për barazinë gjinore”.

Në deklaratën e mëposhtme thuhet se KNFSH qëndron i palëkundur në pozicionin e tij, për rëndësinë e ruajtjes së vlerave themelore të familjes, të traditës shoqërore dhe morale shqiptare, si dhe të parimeve të besimeve fetare. Gjithashtu, Këshilli Ndërfetar i Shqipërisë thekson se mbetet i përkushtuar ndaj dialogut të hapur dhe bashkëpunimit me institucionet shtetërore e shoqërinë civile, për ndërtimin e një shoqërie të drejtë.

Deklarata e plotë:

Këshilli Ndërfetar i Shqipërisë, rithekson edhe një herë qëndrimin e tij zyrtar, të shprehur në letrën dhe deklaratën e mëparshme, lidhur me projektligjin “Për barazinë gjinore”.

KNFSH qëndron i palëkundur në pozicionin e tij, siç është artikuluar qartë në dokumentin e dërguar më parë institucioneve përkatëse, duke nënvizuar rëndësinë e ruajtjes së vlerave themelore të familjes, të traditës shoqërore dhe morale shqiptare, si dhe të parimeve të besimeve tona fetare, në frymën e respektit, barazisë dhe mirëkuptimit të ndërsjellë.

Këshilli Ndërfetar i Shqipërisë mbetet i përkushtuar ndaj dialogut të hapur dhe bashkëpunimit me institucionet shtetërore e shoqërinë civile, me synim forcimin e harmonisë ndërfetare dhe ndërtimin e një shoqërie të drejtë, të barabartë dhe të qëndrueshme.

Zoti e bekoftë Shqipërinë dhe të gjithë qytetarët e saj!

Projektligji "Për barazinë gjinore"/ Këshilli

 

Pak javë më parë, KNFSH iu drejtua me një shkresë zyrtare institucioneve më të larta të shtetit, Presidentit, Kuvendit, Kryeministrit, Ministrisë së Shëndetësisë dhe Komisionit për Punën, Çështjet Sociale dhe Shëndetësinë, për të shprehur shqetësimet dhe argumentet e tij lidhur me projektligjin e ri “Për Barazinë Gjinore”. Këshilli theksoi rëndësinë e dialogut dhe bashkëpunimit institucional për garantimin e barazisë, respektimit të vlerave fetare dhe mbrojtjes së kohezionit shoqëror.

“Dëshirojmë të nënvizojmë se çdo rregullim ligjor duhet të ruajë dinjitetin e njeriut, të respektojë natyrën njerëzore dhe të mos cenojë themelet morale të shoqërisë. Në analizën tonë, disa prej dispozitave të këtij projektligji, krahasuar me ligjin ekzistues, shkojnë përtej barazisë gjinore dhe rrezikojnë ta fusin shoqërinë në një proces relativizimi moral. Shprehja gjinore, e ngritur mbi dëshirën për vetëpërcaktim personal gjinor, siç parashtrohet nga “teoria gjinore”, mohon ndryshimin më të madh që ekziston ndërmjet qenieve të gjalla: dallimin gjinor.”, thuhej ndër të tjera në shkresën dërguar institucioneve shtetërore. /CNA





Lajmet e fundit nga