web counter
LEXO PA REKLAMA!

SHKARKO APP

App Store
Google Play

E fundit!

x

"Policia e Shtetit referoi 36 raste të krimeve zgjedhore, SPAK procedoi 9 subjekte politike"/ Dumani sqaron hetimin për Shkrelin

27 Tetor 2025, 18:25, Aktualitet CNA

"Policia e Shtetit referoi 36 raste të krimeve zgjedhore, SPAK

Kreu i SPAK Altin Dumani i pyetur nga deputeti i Partisë Demokratike Flamur Noka lidhur me rolin e Policisë së Shtetit në task-forcën e ngritur nga SPAK, Prokuroria e Përgjithshme dhe KQZ tha se ky institucion nuk ishte pjesë.

Dumani tha se Policia e Shtetit ka referuar në SPAK 36 raste.

Dumani tha se marrëdhënia e institucionit që ai drejton me Policinë e Shtetit është institucionale.

Policia e Shtetit s’ka qenë pjesë e marrëveshjes me Prokurorise, SPAK dhe KQZ. Marrëdhënia me Policinë e Shtetit për krimet zgjedhore 36 referime në Prokurorinë e Posaçme, kemi bashkëpunuar për referimet kemi pasur marrëdhënie profesionale. Marrëdhëniet mes SPAK dhe Policisë normohen me ligj, janë institucione që bashkëpunojnë.

I pyetur nëse ka pasur referime për figura të PS-së të përfshirë në krime zgjedhore nga ana e Policisë së Shtetit Dumani tha se ai nuk i sheh me atë sy dhe duhet të shohë çështjet që t’i kthejë përgjigje prandaj duhet një përgjigje me shkrim.

Përsa u përket referimeve mund të bëni një kërkesë me shkrim sepse nuk i shoh me atë sy.

Dumani tha se nga ana e SPAK janë proceduar figura politike për krime zgjedhore

Procedimet janë regjistruar nga ne përsa u përket subjekteve politke, janë regjistruar 9 procedime për krime zgjedhore për subjekte politike.

Kreu i SPAK u pyet edhe për Kristian Shkrelin, kryebashkiakun e Vaut të Dejës dhe tha se hetimi ndaj tij nisi kohë përpara deklaratës së Ramës "Kristian mos luaj me dy porta". Dumani tha se u procedua për një krim mjaft problematik.

"Procedimi ka nisur kohë para deklaratës së Ramës, kryebashkiaku është proceduar për një krim mjaft problematik", tha Dumani./CNA

 





Lajmet e fundit nga