E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënuar këtë të enjte në Lozhan të M...

Po bëhet tymnajë/ Pse nuk e duan Berishën në gjykatë?

26 Tetor 2023, 18:09, Aktualitet CNA

Gent Strazimiri ka shprehur qëndrimin e tij në lidhje me vednimet e gjykatës në lidhje me ish kryeministrin Sali Berisha dhe arsyen pse në ët ëvrtetë nuk e duan q ëish kryeministri të paraqitet në Gjykatë.

Sipas Strazmirit e gjithë loja qëndron tek fakti se nuk duan të shohin Berishën në Gjykatë por duan të krijojnë tymnaja, për ta paraqitur këtë si një sukses të SPAK, për thënë që ligji është fuqizuar dhe se gjykata nuk pengon më për të vrarë armiqtë e partisë.

“A ka nevojë "Partia" për lejen e Kuvendit në rastin e deputetit Sali Berisha?

Ky është debati debil i hapur nga "drejtësia e re" me argumentin se nuk po kërkon "heqje të lirisë" por "kufizim të lirisë", prandaj Kuvendi nuk ka pse pyetet e as pse përfshihet!

Pjesa më komike e kësaj drame, është mbrojtja e debilizmit në publik prej ruralëve "profesionistë" që punojnë sekserë paresh në gjykata, të cilët ligjin, Kushtetutën, e quajnë "sallatë fjalësh" dhe jo tërësi konceptesh.

Mirëpo, ky debati debil, pengon procesin penal, dhe SPAK duket se e ka me më pak urgjencë se vetë Sali Berisha paraqitjen e tij në gjykatë...

Nëse ka ndryshim midis "heqjes" dhe "kufizimit" të lirisë dhe cili është ai, e ka shprehur qartë artikulli 5/1 i Konventës së të Drejtave të Njeriut, vulosur edhe me Vendim të Gjykatës së Strasburgut në vitin 2011.

Ja çfarë thotë se:

"(....) sipas jurisprudencës evropiane, dallimi mes "heqjes" dhe "kufizimeve" të lirisë personale është thjesht «një ndryshim në shkallë dhe intensitet, jo në natyrë dhe përmbajtje”.

Pra nuk ka asnjë dallim në natyrë dhe përmbajtje mes "heqjes" dhe "kufizimit" të lirisë, pavarësisht nga forma që merr ai.

Kjo mbyll edhe interpretimin krejt të panevojshëm edhe të Kushtetutës sonë, që këtë radhë është e qartë edhe në gërmë kur thotë se "ndalohet heqja së lirisë së deputetit në çfarëdolloj forme"...!!!

Këtë e dinë edhe SPAK-istët, edhe "gjykatistët" ashtu siç e dinë se është një parim i detyrueshëm për t'u zbatuar!

Pse e bëjnë? Kanë frikë se mos Kuvendi nuk e miraton kërkesën kundër Sali Berishës...?!

Jo, Sali Berisha, edhe sikur të donte, nuk do të fshihej dot pas mazhorancës në parlament, sepse nuk e ka...

Mazhorancën në parlament e ka vetë... SPAK-u!!!

Nuk e bëjnë sepse nuk e duan Sali Berishën në gjykatë, nuk kanë asnjë provë, nuk kanë asnjë fakt, nuk kanë asnjë argument për t'u përballur me të!

E vetmja gjë që u duhet, është një tymnajë ruralësh nëpër televizione me klishe' të prodhuara nga zyra e shtypit dhe propagandës së Kryeministrisë, për sukseset imagjinare të SPAK, që drejtohet prej të paprekëshmve të zakonshëm...

U duhet të tregojnë se janë fuqizuar aq shumë, sa ligji e Kushtetuta nuk i pengon "për të vrarë armiqtë e Partisë"... si Mehmet Shehu në 1951...

E vetmja gjë që u duhet është të konsolidojnë frikën në opinion, se mund të bëjnë gjithçka e me këdo, pasi një popull i frikësuar nuk është më një "shoqëri", por "milet"...

Kanë vetëm një pengesë të vogël që do u mbesë në fyt: është Sali Berisha, dhe nuk është vetëm!

SPAK YOU

KAQ! “, shkruan Strazimiri./ CNA