web counter
LEXO PA REKLAMA!

SHKARKO APP

App Store
Google Play

E fundit!

x

“Partia e Inceneratorëve” shqetësohet për situatën e plehrave në Vlorë

16 Tetor 2022, 10:28, Aktualitet CNA
“Partia e Inceneratorëve” shqetësohet për
Foto ilustruese

Partia e Lirisë ose e quajtur ndryshe “Partia e Inceneratorëve”, është shprehur e shqetësuar për situatën e plehrave në Vlorë.

Sekretari i Përgjithshëm i partisë, Tedi Blushi, përmes një postimi në rrjete sociale shkruan për situatën skandaloze në zonën e ish-Fabrikës së Çimentos, rreth 1 km larg Lungomares dhe 4 km larg bashkisë, duke thënë se është një dëshmi e përçmimit dhe e braktisjes së qytetarëve nga Qeveria dhe pushteti vendor i “Rilindjes".

“Vlora është përmbytur nga plehrat si kurrë më parë.

Situata skandaloze në zonën e ish-Fabrikës të Çimentos, rreth 1 km larg Lungomares dhe 4 km larg Bashkisë, është një dëshmi e përçmimit dhe e braktisjes së qytetarëve nga Qeveria dhe pushteti vendor i “Rilindjes".

Më 5 prill 2021, Damian Gjiknuri në emër të Edi Ramës u premtoi familjeve të kësaj lagjeje pastrim nga mbeturinat, rrugë të asfaltuara, kanalizime dhe investime moderne në infrastrukturë. Premtimet sot janë harruar dhe situata nuk ka nevojë për komente.

Kapja 100% e bashkive dhe e këshillave bashkiakë nga Edi Rama, do të kishte me patjetër këto pasoja.

Rikthimi i pashmangshëm i opozitës në Bashkinë e Vlorës dhe në të gjitha bashkitë e Shqipërisë do të rikthejë llogaridhënien dhe pushtetin lokal në duart dhe në shërbim të qytetarëve”, shkruan Tedi Blushi i Partisë së Lirisë./ CNA.al





Lajmet e fundit nga