web counter
LEXO PA REKLAMA!

SHKARKO APP

App Store
Google Play

“Gratë menduan se do të pastronin sherebelë”/ Avokati: Kjo është drama e shoqërisë shqiptare

15 Tetor 2022, 18:24, Aktualitet CNA
“Gratë menduan se do të pastronin sherebelë”/
Avokati Anton Kosteri

Avokati Anton Kosteri, në një deklaratë për mediat, ka bërë me dije masat e sigurisë që Gjykata e Shkodrës, ka dhënë për 16 të arrestuarit në operacionin Qarku.

Avokati u shpreh se vendimi i gjykatës ishte i drejtë pro nuk kemi kurrsesi të bëjmë me një grup të strukturuar kriminal.

Sipas avokatit ky aksion tregoi dramën dhe gjendjen e mjerueshme në të cilën ndodhet sot shoqëria shqiptare.

Ndër të tjera shtoi se shumica e grave punëtore kujtonin se do të pastronin sherebelë dhe janë kapur menjëherë sapo kanë mbërritur.

 “Prokuroria zbuti qëndrimin. Nuk kemi të bëjmë me një grup të strukturuar kriminal dhe kjo është e sigurt. Nuk duam të komentojmë ligjshmërinë e veprimeve të policisë por duam të nënvizojmë të gjithë si avokatë gjendjen e jashtëzakonshme në të cilën ndodhet shoqëria shqiptare që 12 zonja janë të detyruara të rrinë 3 ditë në burg, duke lënë familjen vetëm, dhe dramën që ka shoqëria shqiptare që sheh vetëm 2 rrugë për të mbijetuar, njëra largimi nga Shqipëria dhe tjetra krijimi i mundësive të tilla, që të gjithë e dinë se është e jashtëligjshme por e bëjnë për të siguruar bukën e gojës. Vijnë për të marrë 2-3 mijë lekë në ditë dhe gjejnë burgun. Ata kanë ardhur me idenë për të pastruar sherebelë dhe menjëherë janë arrestuar nga policia.  Një familjeje, Gjoni, i janë arrestuar të gjithë anëtarë, përveç 2 fëmijëve të mitur, dhe ishin në burg. Gjykata u tregua e drejtë për masat e sigurisë", tha Kosteri./ CNA.al





Lajmet e fundit nga