web counter
LEXO PA REKLAMA!

SHKARKO APP

App Store
Google Play

E fundit!

x

Paralajmëron Muçollari/ Së shpejti faktet, dy institucione u përfshinë në futjen e mbetjeve toksike

22 Gusht 2024, 22:50, Aktualitet CNA

Paralajmëron Muçollari/ Së shpejti faktet, dy institucione u

Anëtari i kryesisë së PD, Grigel Muçollari ka deklaruar se do të bëjë publike faktet dhe dokumentet që tregojnë se dy institucionet kryesore në vend, AKU dhe Ministrinë e Bujqësisë janë të përfshirë në futjen e produkteve të rrezikshme në Shqipëri.

Sipas Muçollarit AKU dhe Ministria e Bujqësisë, kanë manipuluar fakte e dokumente, që në Shqipëri janë futur produkte të rrezikshme.

“Jetojmë në Shqipëri ku polici është kriminel dhe e kundërta. Aty ku mafionzi është i pushtetshëm, dhe pushtetari kthehet në hajdut. Jetojmë në një Shqipëri ku hajduti ka koleg prokurorin e SPAK. A është kjo që Shqipëria që prindërit tanë kishin projektuar më parë. Në po të njëjtën Shqipëri, SPAK, bën çdo ditë nga një padrejtësi. Çdo ditë që mban Berishën në burgim politik është padrejtësi e madhe ndaj Shqipërisë dhe popullit opozitar, të atyre që kanë vendosur të jetojnë të tillë.

Në po këtë Shqipëri, me këto opozitë, me këtë lider po bën opozitë, po bën denoncime, vazhdimisht denoncojmë rastet e korrupsionit në Bashkinë e Tiranës, denoncime për sigurinë ushqimore. Helmohemi çdo ditë nga korrupsioni në institucionet e vendit, AKU dhe Ministria e Bujqësisë, së shpejti me fakte se si këto kanë manipuluar fakte e dokumente, që në Shqipëri janë futur produkte të rrezikshme. Ato s’kanë reaguar por kanë fshehur dokumente.

Ka ndodhur një tjetër gjëmë e madhe, mbetjet toksike, qeveria është e përfshirë në këtë trafik të paligjshëm. Sa mbetje kemi ende në Shqipëri, pse SPAK s’heton? SPAK kujdeset për të persekutuar opozitën dhe të ndalojë Berishën të denoncojë krimet e kësaj qeverie. Në këtë Shqipëri kaq të shkatërruar, jemi dhe ne.

Që s’kanë lejuar e kanë vendosur të jetojnë, përballen e protestojnë këtu. Rezistenca e protesta, të vetmet zgjidhje ndaj këtyre masakrenjve. Protestat s’duhet të na ndalojnë, e drejta do të na çojë përpara”, është shprehur Muçollari./ CNA





Lajmet e fundit nga