E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Panairi Kombëtar "TiranAgro Food"

4 Shtator 2023, 14:36, Aktualitet CNA

"TiranAgro Food", 21-24 shtator 2023 në sheshin “Skënderbej”

"TiranAgro” është festa më madhe e biznesit shqipfolës, ku pritet të marrin pjesë një numër i madh i kompanive nga Kosova, Maqedonia dhe Shqipëria.

Në 21-24 shtator 2023 në sheshin “Skënderbej”, Bashkia Tiranë dhe Dhoma e Tregtisë dhe Industrisë Tiranë, do të mbajnë eventin më të rëndësishëm të vitit për Prodhuesit, Distributorët dhe Konsumatorin shqiptar "TiranAgro".

Ky është një ndër panairet më të frekuentuara nga konsumatorët Shqiptarë, ku do të jenë pjesëmarrëse 50 biznese të sektorëve të ndryshëm dhe 200 fermerë.

Kompanitë pjesëmarrëse ndër vite janë kryesisht të profilit agroushqimor, por jo vetëm.

Sektorët pjesëmarrës do të jenë: Birraritë, Pijet freskuese, Uji dhe Filtrat e Ujit, Produkte dhe Nënprodukte Mishi, Produkte Bulmeti, Produkte Ushqimore, Kantina Vere, Vaji i ullirit, Ferma, Agroturizmi, Kulinaria, Produktet Bio, Banka dhe OJF dhe Restorante, Kafene etj.

Panairi do të konceptohet si një pikëtakim mes prodhuesve, importuesve dhe konsumatorëve të cilët pritet të jenë të shumtë në sheshin “Skënderbej”, ku fokusi kryesor është promovimi i kompanive që operojnë në tregun shqiptar.

“TiranAgro” do të bëjë të mundur:

-Instalimin e teknologjisë informuese për krijimin e një guide përfaqësimi nga të gjithë sektoret pjesëmarrës;

-Krijimin e një tregu multifunksional;

-Prezantimin e qytetarëve me gamën e produkteve të prodhuesve shqiptarë në tregun vendas dhe prodhimet më të spikatura të importueseve që janë bërë pjesë e tregut tonë;

-Promovimin e biznesit në panele vetjake dhe të organizuara;

-Shkëmbimin e markave vjetore të tyre dhe serinë e prodhimeve të hedhura në qarkullim përgjatë një viti.

Për diskutime të mëtejshme mund të na kontaktoni në adresën e email tek [email protected] ose nëpërmjet tel: 0697288090