web counter
LEXO PA REKLAMA!

SHKARKO APP

App Store
Google Play

E fundit!

x

Opozita sot në shesh para kryeministrisë/ Blindohet Tirana

11 Shkurt 2023, 08:10, Aktualitet CNA

Opozita sot në shesh para kryeministrisë/ Blindohet Tirana

Opozita do të zhvillojë sot një protestë para Kryeministrisë.

Protesta e thirrur nga kreu i PD-së, Sali Berisha,  me moton “Shqipërisë i dalim për zot”, do të mbahet në orën 12:00.

Opozita sot në shesh para kryeministrisë/ Blindohet Tirana

Kjo lëvizje e opozitës vjen pas daljes në dritë të skandalit McGonigal.

Protesta e opozitës ka vënë në lëvizje policinë, ndërkohë, një ditë më parë dera e Kryeministrisë është blinduar me veshje metalike.

Mbi 1500 forca të policisë, duke nisur nga ato të rendit, FNSH dhe Garda e Republikës, do të jenë në terren për mbarëvajtjen e protestës.

Nga ora 12:00 që nis protesta, do të jetë i bllokuar Bulevardi “Dëshmorët e Kombit” dhe të gjitha drejtimet që lidhen me bllokun e rrugës së "Elbasanit".

Gjithashtu, në këto rrugë, do të bllokohet qarkullimi i automjeteve, nga ora 10:00 e datës 11.02.2023 deri në përfundim të tubimit.

Policia kërkon mirëkuptimin e qytetarëve që të shmangin lëvizjen me automjete, në këto akse rrugore dhe të përdorin rrugë alternative, për të mos penguar lëvizjen e lirë të pjesëmarrësve në tubim./CNA.al





Lajmet e fundit nga