E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

“O sa mirë me qenë idiot”/ Spaho kundër protestuesve: Monstra kokëtharë, që i përdorin mish për top

3 Qershor 2026, 18:14, Aktualitet CNA

“O sa mirë me qenë idiot”/ Spaho kundër protestuesve:

Ish-nënkryetari dhe ish-deputeti i PD-së Edmond Spaho ka reaguar ashpër ndaj protestuesve të cilët kundërshtojnë investimin miliarda eurosh në Zvërnec.

Spahoi ka publikuar një foto të një protestuesi në pankartën e të cilit shkruhej: “S’ka lind ai bir k*rve e as bir çifuti që t’na marri trojet tona” dhe krahas e quan trushkulur që nuk e di se investitorët janë vëllezërit myslimanë nga Katari Ramez dhe Mohamad Al-Khayyat dhe e bija e Donald Trump.

Spaho i revoltuar u drejtohet protestuesve duke shkruar “Kujt i shërbejnë këto monstra kokëthara, që i përdorin si mish për top, që asnjëherë nuk kanë menduar për interesat e vendit të tyre, por janë përdorur nga të huajt”.

Ai thekson se shqiptarët po i bëjnë dëm vetes dhe vendit të tyre duke u nxitur nga jashtë për interesa ekonomike të vendeve fqinje.

“Shiheni këtë foto.

Ky trushkulur nuk di që dy investitorët kryesorë në Zvërnec janë vëllezërit myslimanë nga Katari Ramez dhe Mohamad Al-Khayyat.

Më pas është e bija e Donald Trump, amerikane me rrënjë të herëshme nga Gjermania.

Kujt i shërbejnë këto monstra kokëthara, që i përdorin si mish për top, që asnjëherë nuk kanë menduar për interesat e vendit të tyre, por janë përdorur nga të huajt.

Një herë, një grek në një mbledhje ndërkombëtare, pa ditur që aty ishte edhe një shqiptar u shpreh:

Ne grekërve, serbeve, maqedonasve nuk na vjen asgjë e keqe nga shqiptarët. Lëri se ata hanë kokën njëri me tjetrin, sepse janë të këqinjtë e vehtes.

Shqiptarët po ja fusin vehtes dhe vendit të tyre me nxitje nga jashtë për interesa ekonomike të vendeve fqinje.

Në krye të protestës janë po ata sharlatanë të cilët në vitin 2019 ulërinin studio më studio televizive që të digjeshin mandatet e deputetëve të opozitës.

Sipas mendjes se të marrëve, mandatet u dogjën dhe nga 2019 e deri më sot vendi është pa opozitë.

Kjo po ngjet në Tiranë.

Në vendin e Shqiponjës me dy koka ku njëra kokë godet dhe ha kokën e tjetrës.

Ec përpara shqipe! O sa mir me qenë idiot!”, shkruan Spaho./ CNA