web counter
LEXO PA REKLAMA!

SHKARKO APP

App Store
Google Play

E fundit!

x

Një tjetër gënjeshtër e madhe nga profesor Z. Pëllumb Xhufi për kreun e Kishës Ortodokse Autoqefale të Shqipërisë

23 Shtator 2023, 13:39, Aktualitet Aleksandër Dimroçi

Një tjetër gënjeshtër e madhe nga profesor Z. Pëllumb

Prof. Dr. Anastasin qarkullon këto ditë në mediat online të vendit. Sulmit me shpifje dhe të pavërteta nga ky historian do t'i përgjigjemi me fakte, figurë dhe zë.

Konkretisht në datë 21 shtator 2023 në Dritare TV dhe Dritare.net, në emisionin "Shqip" të gazetarit të mirënjohur, Z. Dritan Hila, historiani Z Xhufi përcjell një deklaratë që Kryepiskopi Anastas ka bërë në një Tv grek dhe ku paska thënë sipas Z. Xhufi:

"Ka ardhur koha që unë do largohem nga kreu i Kishës ortodokse autoqefale shqiptare, sepse nuk është e drejtë që një i huaj të drejtojë një kishë të një vendi tjetër".

Po a janë të vërteta fjalët e Z. Xhufi kur ai citon apo edhe perifrazon Kryepiskopin Anastas në intervistën e tij dhënë Skai Tv në dhjetor të 2017?

Po ju paraqesim zbardhjen e videos autentike të kësaj interviste minutat 9:26 deri 10:43 pjesën ku, Z.Xhufi pretendon se ka cituar ose perifrazuar Kryepiskopin Anastas.

Gazetari grek: - Të përpiqemi ta kuptojmë pak, ju po më thoni se shumica e grigjës suaj në Shqipëri nuk janë grekë.

Kryepiskopi Anastas: - Po.

Gazetari grek: - Kjo çfarë dmth, që nëse ju në një moment largoheni, pasardhësi juaj do të jetë një shqiptar?

Kryepiskopi Anastas: - Sigurisht, kjo është e natyrshme.

Tashmë unë jam atje prej shumë vitesh. Kështu?

Dëgjoni: Nuk kemi guxim të vemë veten në vendin e të tjerëve.

Unë për arsye që kam që në vitin 1963 që ndodhem në ambjente ndërkombëtare, kam mësuar ta respektoj tjetrin, siç është, të mendoj se cila është e drejta e tij, cilat janë të drejtat e tij.

Do mund të mendonit se nëse ne (grekët) do të ndodheshim në të njëjtat kushte, do të pranonim për kaq shumë vjet dikë nga bullgaria apo nga serbia që të jetë Kryepiskop…?

 Jo, unë e quaj të vetëkuptueshme dhe të natyrshme këtë gjë.

Atje nuk shkuam të krijojmë një koloni.

Shkuam të rindërtojmë Kishën Orthodhokse Autoqefale të Shqipërisë. Ka njerëz që mendojnë se atje është si një nga Kryepiskopatat si psh. e Kretës apo diku tjetër, që varen nga Patriarkana Ekumenike.

Nuk është kështu.

Brenda 14 kishave autoqefale është edhe ajo e Shqipërisë dhe pas saj vjen Çekia dhe Sllovakia.

Pra, Kisha e Shqipërisë ka një rol, brenda Orthodhoksisë.

Ky ballafaqim i fjalëve të Kryepiskopit Anastas në një intervistë dhënë Skai TV e krahasuar me citimin apo perifrazimin që i bën historiani, profesori i historisë Z. Pëllumb Xhufi nuk ka përputhshëmri. Fjalët e Kryepiskopit Anastas, sipas dëshmisë së Z. Xhufi:

"Ka ardhur koha që unë do largohem nga kreu i Kishës ortodokse autoqefale shqiptare, sepse nuk është e drejtë që një i huaj të drejtojë një kishë të një vendi tjetër" - janë fjalë që Kryepiskopi nuk i ka thënë asnjëherë.

Prandaj pohimi i Z. Xhufi është i pavërtetë dhe i gënjeshtër, autor i së cilit në këtë rast i provuar me zë dhe figurë është vetë profesori i historisë Z. Pëllumb Xhufi, i cili vetë i prodhon dhe i ndan me opinionin dhe sidomos kur thuhen haptazi, në media dhe pubik, ky veprim quhet mashtrim i publikut.

Shkrim nga Aleksandër Dimroçi - Radio "Ngjallja"





Lajmet e fundit nga