E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Një biletë për fëmijët e Ukrainës/ 300 artistë “zbresin” me 3 dhjetor në një koncert në Tiranë

Me datën 3 dhjetor 2022, ora 19:00 në Pallatin e Kongreseve, do të shfaqet koncerti madhështor “110 vjet Forca të Armatosura, “Së bashku për paqen”.Biletat mund t'i blini në uebsajtin "www.vivere.al" ose duke telefonuar në nr. e telefonit 0696673220.

30 Nëntor 2022, 10:28, Aktualitet CNA

Një biletë për fëmijët e Ukrainës/ 300

Së bashku për paqen, së bashku për të sjellë buzëqeshje dhe sado pak gëzim për fëmijët e Ukrainës, të cilët sot kanë nevojë më shumë se kurrë për mbështetje.

Kjo do të jetë motoja e një koncerti, iniciativa e të cilit ka ardhur nga Ministria e Mbrojtjes dhe Forcat e Armatosura të Shqipërisë.

Me datën 3 dhjetor 2022, ora 19:00 në Pallatin e Kongreseve, do të shfaqet koncerti madhështor “110 vjet Forca të Armatosura, “Së bashku për paqen”.

Të ardhurat nga shitja e biletave të këtij koncerti do të shkojnë në ambasadën e Ukrainës, me qëllim që të mbërrijnë te familjet dhe fëmijët e prekur nga lufta.

Mbi 300 artistë pjesëmarrës

Në këtë koncert do të përformojnë mbi 300 artistë nga Orkestra Simfonike e FA, Kori i FA, Banda e Ushtrisë shqipëtare dhe Bandat e ushtrive të Kosovës dhe vendeve të NATO nga SHBA, Britania e Madhe, Franca, Italia, Greqia, Maqedonia e Veriut, Kroacia dhe Sllovenia.

Kjo është hera e parë që nje event i këtij dimensioni zhvillohet në Shqipëri dhe vjen me rastin e 110-vjetorit të Pavarësisë dhe 110-vjetorit të krijimit të ushtrisë shqiptare.

Mbështetës të këtij eventi janë: Ministria e Kulturës, Bashkia Tiranë dhe ambasada e Ukrainës në Shqipëri.

Biletat mund t'i blini në uebsajtin "www.vivere.al" ose duke telefonuar në nr. e telefonit 0696673220./CNA.al