Nga drejtori i fermës te magazinieri/ Kush janë 4 punonjësit e arrestuar të Universitetit Bujqësor

23 Shtator 2022, 16:18, Aktualitet CNA

Nga drejtori i fermës te magazinieri/ Kush janë 4 punonjësit e

Foto ilustruese

Policia e Tiranës, ka dhënë më tepër detaje në lidhje me 4 punonjësit e arrestuar në Universitetin Bujqësor të Tiranës.

Sipas informacioneve, të arrestuarit janë: A. R., 62 vjeç, me detyrë Drejtor i Fermës Didaktike Eksperimentale në Universitetin Bujqësor Tiranë, T. B, me detyrë Përgjegjës i Sektorit të Bujqësisë, R. S., 59 vjeç, me detyrë specialist i Sektorit të Bujqësisë; A. M., 64 vjeç, me detyrë magazinier në magazinën qendrore në Universitetin Bujqësor Tiranë.

Këta shtetas në bashkëpunim me njëri-tjetrin, në role të ndryshme, paracaktonin fituesin e tenderave, kryenin hyrje dhe dalje fiktive të mallrave në magazina, duke shpërdoruar detyrën.

"Finalizohet, pas një hetimi proaktiv disamujor, operacioni policor i koduar “Tenderat”

Operacioni nga Sektori për Hetimin e Krimit Ekonomik e Finaciar në Drejtorinë Vendore të Policisë Tiranë në bashkëpunim me Prokurorinë e Rrethit Gjyqësor Tiranë.

Vihen në pranga 4 punonjës të Universitetit Buqësor të Tiranës, për abuzim me disa tendera.

Në kuadër të luftës kundër krimit të organizuar dhe Korrupsionit, Sektori për Hetimin e Krimeve Ekonomike e Financiare në Drejtorinë Vendore të Policisë Tiranë në bashkëpunim me Prokurorinë pranë Gjykatës së Shkallës së Parë Tiranë, pas një pune të mirëfilltë hetimore disamujore finalizuan me sukses operacionin policor të koduar “Tenderat”.

Si rezultat i operacionit u bë ekzekutimi i masave të sigurisë “Arrest në burg” për shtetasit:

- A. R., 62 vjeç, me detyrë Drejtor i Fermës Didaktike Eksperimentale në Universitetin Bujqësor Tiranë;

- T. B., me detyrë Përgjegjës i Sektorit të Bujqësisë;

- R. S., 59 vjeç, me detyrë specialist i Sektorit të Bujqësisë;

- A. M., 64 vjeç, me detyrë magazinier në magazinën qendrore në Universitetin Bujqësor Tiranë.

Këta shtetas në bashkëpunim me njëri-tjetrin, në role të ndryshme, paracaktonin fituesin e tenderave, kryenin hyrje dhe dalje fiktive të mallrave në magazina, duke shpërdoruar detyrën.

Në cilësinë e provës materiale u sekuestruan një automjet në pronësi të shtetasit A. R. dhe 5 aparate celulare.

Vijon puna për identifikimin e personave të tjerë të impikuar në këtë aktivitet kriminal.

Materialet i kaluan Prokurorisë, për veprime të mëtejshme procedurale.

#angazhimpërkushtimsakrificë????‍??????

#tëvendosurkundërkrimit?

#nëçdoskajtëvendit????????

#nëshërbimtëqytetarëve????‍??????????‍??", njofton policia./ CNA.al