6 apartamente, 3 automjete, garazh dhe llogari bankare/ Prokuroria sekuestron pasuritë me paratë e kokainës

23 Shtator 2022, 13:52, Aktualitet CNA

6 apartamente, 3 automjete, garazh dhe llogari bankare/ Prokuroria sekuestron

Mbi kërkesën e Prokurorisë së Rrethit Gjyqësor Durrës, Gjykata e Shkallës së Parë Durrës, ka vendosur të caktojë si masë sigurimi pasuror “Sekuestro Preventive”, për pasuritë e shtetasit Klejdi Abdylit dhe të familjarëve të tij.

Për këto arsye, në mbështetje të vendimit të mësiperm si dhe të neneve 462,463 të K.Pr.Penale është urdhëruar, ekzekutimi i menjëhershëm i vendimit penal Nr. 573, datë 18.09.2022 të Gjykatës Shkallës së Parë Durrës për pasuritë e shtetasit K.A. dhe familjarëve të tij

Klejdi Abdyli ka qenë në kërkim nga Italia për trafik të narkotikëve dhe është arrestuar në maj të vitit 2019 nga policia e Durrësit.

I riu, lindur në Tiranë dhe banues në Durrës, u arrestua në të njëjtën ditë që u shpall në kërkim nga Interpol Tiranë, pasi autoritetet italiane e kishin shpallur në kërkim ndërkombëtar referuar një urdhër arresti të Gjykatës së Peskarës për kryerjen e veprës penale "Trafikim i narkotikëve".

Klejdi Abdyli në bashkëpunim me persona të tjerë dyshohet se në gjashtë raste të përsëritura, kanë mbajtur, transportuar dhe shitur sasi të konsiderueshme lënde narkotike të llojit kokainë.

Pasuritë e sekuestruara:

• Garazh me sipërfaqe 160.91 m2, ndodhur në Durrës, në pronësi të shtetasit I.A;

• Apartament me sipërfaqe 73.68 m2, ndodhur në Durrës, në pronësi të shtetasit I.A;

• Apartament me sipërfaqe 58.36 m2, ndodhur në Durrës, në pronësi të shtetasit I.A;

• Apartament me sipërfaqe 73.68 m2, ndodhur në Durrës, në pronësi të shtetasit I.A;

• Apartament me sipërfaqe 59.61 m2, ndodhur në Durrës, në pronësi të shtetasit I.A;

• Apartament me sipërfaqe 114.5 m2, ndodhur në Tiranë, në pronësi të shtetasit I.A dhe E.A;

• Apartament me sipërfaqe 69.92 m2, ndodhur në Durrës, në pronësi të shtetases E.A;

• Automjet me targa AA____, në pronësi të shtetasit K.A;

• Motomjet me targa AY____, në pronësi të shtetasit K.A;

• Automjet me targa AA____, në pronësi të shtetases Sh.A;

• Llogarinë në Bankën Kombëtare Tregtare, me valutë në euro, në emër të shtetasit I.A;