E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

“Më kanë përplasur derën”/ Këlliçi rrëfehet për karrierën e tij: S’më shtruan tapet të kuq

18 Shtator 2024, 10:37, Aktualitet CNA

Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi, ka folur rreth karrierës së tij politike, punën me orë të gjata dhe sakrificat që i është dashur të kalojë gjatë rrugëtimit të tij në politikë.

I ftuar në emisionin e "Aldo Morning Show", Këlliçi u shpreh se shpeshherë i është përplasur dera në fytyrë dhe askush nuk i ka shtruar tapetin e kuq.

Biseda

Këlliçi: Më kanë pyetur jashtë mase, por edhe ata që janë bashkëpunëtorë ose janë miq e dinë rendimentin. Kur vijnë në orën 9:00 të mëngjesit dhe të shohin në zyrë, në punë dhe kur vijnë në orën 9:00 të darkës të shohin prapë në zyrë ose të shohin në emision, por në emisione këto vitet e fundit se për shkak të rritjes së aktivitetit publik në njëfarë mënyre, por më përpara ka qenë një punë e jashtëzakonshme terreni, kur të shohin ditë të shtune, ditë të diele në punë e kuptojnë se çfarë ndodh. Unë jam kthyer në 2009 në Shqipëri, kam ardhur pas studimeve që i përfundova në SHBA dhe nuk kam njohur askënd në Partinë Demokratike në sensin personal, i kam njohur figurat publike etj. Nuk është se më ka hapur dikush derën, përkundrazi më është mbyllur dera kur kam ardhur dhe për këtë nuk kam komplekse, e kam thënë përherë.

Aldo: Ta kanë përplasur derën?

Belind Këlliçi: Patjetër që po.

Aldo: Kush?

Belind Këlliçi: Mos të hyjmë në emra. S’më shtruan tapet të kuq. Orët e jashtëzakonshme, javët pa të shtunë dhe pa të diel, ditët pa asnjë lloj orari.

Aldo: Sanduiç, byrek me dhallë.

Belind Këlliçi: Ajo s’bëhet fjalë. Vetëm në fushatën e vitit të kaluar që garoja për kryebashkiak në Tiranë, pjesa kryesore e ushqimit ishte ndalo diku ha një sanduiç, ndalo ha në këmbë se s’ke kohë, patjetër. Ajo që mbaj mend janë protestat e jashtëzakonshme dhe qëndresa pafund, e kam seriozisht këtë, me qindra e qindra djem që janë goditur e arrestuar nga radhët e FRPD-së në këto 12 vite që kemi hyrë në opozitë.

Çfarë do të thotë, në 7 vite që unë kam drejtuar forumin rinor, pjesën kryesore, barrën kryesore edhe sot për hir të së vërtetës, të protestave, të organizimeve, të terrenit, të përballjeve, e ka mbajtur rinia, e mban rinia, e mbajnë të rinjtë dhe e lodhshme, sinqerisht, përherë pjesa kur ti shkon në protestë, shkon me të rinj, merr pjesë dhe e di fare mirë që pavarësisht se protesta është paqësore, mund të ketë momente tensioni etj., por që asnjëherë nuk eskalojnë në pikën që do të ndalohet dikush, ti e di që do ta përfundosh ditën jo kur të mbarojë protesta, por do përfundosh në komisariat duke u interesuar për të rinjtë, duke ndjekur të rinjtë dhe shpeshherë ka pasur raste që kemi qenë në procese gjyqësore./ CNA