web counter
LEXO PA REKLAMA!

SHKARKO APP

App Store
Google Play

E fundit!

x

Mbledhjet e grupit anti-SPAK në Vilën 30 dhe qëndrimet e ndërkombëtarëve kundër mazhorancës

5 Shkurt 2024, 21:32, Aktualitet CNA

Mbledhjet e grupit anti-SPAK në Vilën 30 dhe qëndrimet e

CNA që prej datës 17 Janar ka denoncuar me fakte skemën e mazhorancës për ngritjen e një komisioni “Ad-Hoc”, në drejtimin e ish-ministrit Fatmir Xhafaj, komision, i cili në emër gjoja të procesit të integrimit në BE do të bënte kontrollin e SPAK-ut dhe për ta goditur atë pas hetimeve për dosjet më të nxehta dhe arrestimet.

Ditë pas dite CNA zbuloi të tjerë fakte se si Partia Socialiste, për të ndërhyrë në administratën e Parlamentit dhe për të krijuar një reformë që do të sillte lëvizje drejtorish, drejtuesish të institucionit dhe individë të punësuar në administratë, ka krijuar një komision, i cili kryesohet nga Eduard Shalsi si kryetar dhe aty bëjnë pjesë Klotilda Bushka, Etilda Gjonaj, Bledi Çuçi dhe Lindita Nikolla.

Në 27 Janar, CNA raportoi se kryeministri Edi Rama kishte mbledhur grupin e punës që do të përgatitë një draft për komisionin "Ad-Hoc".

Në takimin e zhvilluar në Vilën 30 ishte grupi i juristëve të Rilindjes, ku i pranishëm ka qenë Engjëll Agaçi, ministri i Drejtësisë Ulsi Manja, Klotilda Bushka, Ermonela Felaj, ish-ministrja e Drejtësisë, Etilda Gjonaj, ish-ministri i Brendshëm, Fatmir Xhafaj, ish-zv.ministri i Drejtësisë Toni Gogu, ministrja e Anti-Korrupsionit, Adea Pirdeni, individë të cilët kanë diskutuar gjërë e gjatë, skemën e hedhur në tryezë disa javë më parë në takimin e Shëngjinit, zhvilluar nga Blendi Çuçi në Grupin Parlamentar dhe thënë publikisht nga Eduard Shalsi.

Pasditen e sotme, CNA konfirmoi zyrtarisht përmes videove dhe fotove takimin e grupit anti-SPAK në Vilën 30.

Me pamje ekskluzive treguam se si kryeministri Edi Rama, së bashku me Ermonela Felajn, Fatmir Xhafajn, Damian Gjiknurin, Ulsi Manjan, Klotilda Bushkën, Adea Pirdenin, Engjëll Agaçin u mblodhën në Vilën 30 për të diksutuar mbi draftin për ngritjen e komisionit Ad Hoc që do të drejtohet nga Fatmir Xhafaj.

Po ditën e sotme, CNA raportoi dhe qëndrimin e diplomatëve dhe ndërkombëtarëve për verpimet kundër SPAK.

I dërguari i Posaçëm i SHBA për Ballkanin Perëndimor, Gabriel Escobar gjatë një takimi me nje grup deputetësh të mazhorancës dhe opozitës ka qenë i ashpër në qëndrimin e tij me deputetët shqiptarë në lidhje me hapat e ndërmarrë nga mazhoranca për ngritjen e një komisioni “Ad-Hoc” që do të çonte në kontrollin e SPAK-ut.

Burime diploamtike për CNA bënë me dije se Escobar i ka quajtur të rrezikshme për demokracinë dhe të gabuara veprime të tilla që minojnë besimin dhe ecjen përpara të drejtësisë së re, aq shumë e mbështetur dhe e financuar nga SHBA dhe partnerët evropianë.

Reagimi i zotit Escobar vjen pas një qëndrimi tjetër të fortë publik, bërë në datë nga këshilltari Ligjor në ambasadën e SHBA-së, David Backman, i cili nga Shkodra lëshoi një mesazh mjaft të fortë për klasën politike, duke theksuar se SPAK duhet ruajtur si xhevahir.

Në të njëjtën linjë kanë qenë të gjithë faktorët ndërkombëtarë, të cilët duken të shqetësuar nga veprimet e fundit të mazhorancës, që po zhvillon takime të njëpasnjëshme, duke tentuar të ngrejë një komision në emër të integrimit, por që në thelb ka kontrollin ndaj SPAK-ut.

CNA vijon të raportojë skemën e mazhorancës e cila po vijon me iniciativën për të kontrolluar dhe goditur institucionet e pavarura të drejtësisë./ CNA





Lajmet e fundit nga